web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha jep detaje: Drejtorët e Veliajt me aplikacion sekret

28 Mars 2024, 22:59, Aktualitet CNA
Artan Hoxha jep detaje: Drejtorët e Veliajt me aplikacion sekret
Gazetari Artan Hoxha

Gazetari Artan Hoxha ka dhënë detaje në lidhje me apliakcionin sekret që përdorin zyrtarët e Bashkisë së Tiranës.

Hoxha tha në emisionin "Të Paekspozuarit" se ky aplikacion ishte programuar në mënyrë private dhe aty drejtorët e Erion Veliajt flisnin për aktivitete korruptive.

Gjithashtu, ai theksoi se ky aplikacion është përdorur për komunikime edhe për zgjedhjet.

Sipas tij, ka qenë pikërisht ky rrjet i enkriptuar që i ka dhënë ndihmë SPAK-ut të çmontojë historinë.

"Çështja ka nisur në prill 2023. Pas zgjedhjeve ka depozituar zoti Këlliçi kallëzim. SPAK i ka marrë të dyja kallëzimet dhe ka vijuar punën. Sot janë arrestuar dy drejtorë dhe ka akuzë tjetër për një të arrestuar, Taulant Tusha.

Dy drejtorët janë drejtori i Ujësjellësit, Redi Molla. Tjetri është drejtori i IMT, Mariglen Qato. Janë dy drejtorët më të rëndëishsëm. Ka patur masa sigurie më të buta për gjashtë zyrtarë të tjerë, këta që kanë hedhur firma.

Këta që kanë ngritur skemën dhe janë përfituesit, janë tre drejtorët e bashkisë. Ishte një staf i ngushtë i Bashkisë, kupola drejtuese që përdornin një rrjet të kriptuar. Kjo është gjëja e veçantë. Nëse kemi folur për Sky dhe Encro, sot ka programues që bëjnë rrjet për të komunikuar personat. 

Ky rrjet i enkriptuar është kapur dhe ky është filli nga ku SPAK ka filluar të shqepë historinë. Ky rrjet nuk ka shërbyer vetëm për aferat korruptive, por mund të na tregojë edhe për zgjedhjet", theksoi Hoxha./ CNA





Lajmet e fundit nga