web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Bardhit: Olsi Rama lidhet me organizatën e trafikut të drogës dhe laboratorin e Xibrakës

28 Mars 2024, 13:58, Aktualitet CNA

Denoncimi i Bardhit: Olsi Rama lidhet me organizatën e trafikut të

Kreu i grupit parlamentar të PD-së, Gazment Bardhi, në një deklaratë për mediat, ka bërë me dije se sot do të tregojë faktet që lidhin Olsi Ramën me organizatën e trafikut të drogës dhe laboratorin në Xibrakë i zbuluar 10 vite më parë.

“Pak kohë më parë bëmë publik se dispnojmë prova që lidhin Olsi Ramën me organizatën e trafikimit të drogës në Xibrakë e zbuluar 10 vite më parë.

Këto prova faktojnë se Shqipëria nuk udhëhiqet nga një qeveri demokratike.

Fakte që do prezantoj sot mund ta bëjnë atë bashkëpunëtor apo në aleancë me krimin e organizuar.

Ishte labroratori i parë i kokainës që zbulohej një vit pas ardhjes në pushtet të Edi Ramës.

Sinjalizimi erdhi nga prokuroria gjermane në Hanover. Pas kësaj policia shqiptare zbuloi në nëntor të vitit 2014 laboratorin e kokainës dhe arrestoi 9 persona.

Dështoi të arrestojë kreun e organizatorin, Genci Xhixhën.

Të arrestuarit morën dënime minimale, Genc Xhixha nuk u gjend nga policia dhe vazhdon të jetë në kërkim ndërkombëtar.

Kreu që trafikonte drogë nga Kolumbia në Shqipëri ishte mik i Olsi Ramës”, tha Bardhi./ CNA





Lajmet e fundit nga