web counter
LEXO PA REKLAMA!

SHKARKO APP

App Store
Google Play

E fundit!

x

Asgjë e re nga Bardhi, gjithçka u denoncua vite më parë nga Berisha

28 Mars 2024, 14:36, Aktualitet CNA

Asgjë e re nga Bardhi, gjithçka u denoncua vite më parë

Kreu i grupit parlamentar të Partisë Demokratike, Gazment Bardhi, në daljet e tij publike, shpesh ka deklaruar se do të sjellë disa fakte që tregojnë lidhjet e vëllait të kryeministrit Edi Rama me laboratorin e drogës në Xibrakë.

Sot, nga selia blu, më në fund foli për akuzat e tij, ku dhe parashtroi disa detaje në lidhje me Olsi Ramën dhe grupin e kokainës së Xibrakës.

Ai parashtroi 10 fakte, ku tregon se si Olsi Rama dhe grupi i kokainës kanë përdorur të njëjtën makinë me targat AA653DM.

Por, në fakt, në këtë deklaratë nuk kishte asgjë të re, pasi ish-kryeministri ka denoncuar më herët këtë fakt.

Në një nga daljet e tij, Berisha ka përmendur makinën me targat AA653DM, si dhe personat e përfshirë në grupin e trafikut të drogës, Ermal Hoxha, Genci Xhixha dhe Gentjan Gjonaj.

“Ka ca dokumente. Ekziston një makinë me targë AA 635DM. Kjo makinë është makinë e transportit të kokainës. Shko pyet te Krimet e Rënda. Kush kanë qenë pasagjerët e kësaj makine të përshtatur për transport kokaine? Genci Kasem Xhixha, djali i sponsorizueses kryesore të Ramës. Kartelit të Xibrakës.

Pasagjer tjetër ka qenë Ermal Ilir Hoxha, me data dhe me të gjitha. Pasagjer tjetër i saj ka qenë Gentian Hasan Gjonaj. Dhe i katërti ka qene Olsi Kristaq Rama”, ka qenë ky denoncimi që ka bërë Berisha vite më parë.

Denoncimi i Bardhit, 10 faktet.

1. Prokuroria dhe gjykata shqiptare kanë pranuar se personat e dënuar (9 shtetasë, prej të cilëve 7 shqiptarë dhe 2 kolumbian) nuk janë të vetmit persona që kanë qenë të përfshirë në këtë veprimtari kriminale. Në datën 08.03.2016 Prokuroria për Krime të Rënda ka ndarë procedimin për “bashkëpunëtorët e paidentifikuar” duke e emërtuar me nr. 335/1 të procedimit, për të cilin ka vlerësuar se kishte nevojë për hetime të tjera lidhur me identifikimin e bashkëpunëtorëve të tjerë në këtë aktivitet kriminale për të cilët hetimet duhet të vazhdonin.

2. Në shumicën e raporteve të shërbimit të grupeve policore të vëzhgimit, ku rezulton të jenë identifikuar të gjithë personat e përfshirë, evidentohet githmonë një person i paidentifikuar që përshkruhet si “personi i moshës 45 vjeç me flokë të shkurta”. Olsi Rama, vëllai i Kryeministrit Edi Rama, ka lindur më 09.09.1969 dhe në periudhën Dhjetor 2014-Janar 2015 ka qenë 45 vjeç. Nga pamja e fotografisë së tij rezulton gjithashtu se ai është një person “me flokë të shkurtra”.

3. Në takimin e datës 13.01.2015 me pothuajse të gjithë anëtarët e grupit kriminal, “personi i moshës 45 vjeç me flokë të shkurta”, që ka mbetur i paidentifikuar, ka qenë përdorues i automjetit me targa AA653DM.

4. Nga të dhënat e sistemit TIMS rezulton se Olsi Rama është përdorues i automjetit me targa AA653DM.

5. Automjeti me targa AA653DM, në drejtimin e të cilit ishte anëtari i paidentifikuar dhe që cilësohet si “personi i moshës 45 vjeç me flokë të shkurtra”, rezulton të jetë përdorur edhe nga pjesa tjetër e drejtuesve të grupit kriminal, ku përfshihen Genci Xhixha, Ermal Hoxhën dhe Gentian Gjonaj.

6. Pra, automjeti me targa AA653DM, që në datën 13.01.2015 në takimin e organizuar mes anëtarëve të organizatës kriminale, drejtohej nga personi i paidentifikuar dhe i cilësuar si “personi i moshës 45 vjeç me flokë të shkurtra”, gjatë periudhës Prill – Dhjetor 2014, është përdorur për hyrje-dalje nga Shqipëria, sipas sistemit TIMS, nga Olsi Rama, Genci Xhixha (bosi i grupit kriminal), Ermal Hoxha (anëtar i grupit kriminal) dhe Gentian Gjonaj (anëtar i grupit kriminal).

7. Përdorimi i të njëjtit automjet më së paku provon një miqësi të konsoliduar mes Olsi Ramës dhe personave drejtues të organizatës si Genci Xhixha apo Gentian Gjonaj.

8. Dyshimi i hetuesve shqiptar ka qenë se Genci Xhixha është njoftuar paraprakisht për mundësinë e arrestimit dhe është larguar nga territori shqiptar në mënyrë ilegale më datë 14 Janar 2015. Vëllai i Kryeministrit Edi Rama, Olsi Rama, rezulton nga sistemi TIMS të ketë datë nga Shqipëria më datë 14 Janar 2015, në orën 15.38 min, nga pika e kalimit të kufirit “Morinë” në Kosovë, me një automjet që rezulton çuditërisht si asnjëherë tjetër i paregjistruar në sistem.

9. Nga verifikimi i sistemit TIMS, Olsi Rama, ashtu si Genci Xhixha, konstatohet se ka hyrje-daljet më të shpeshta dhe me kohë të shkurtër qëndrimi nga muaji Tetor 2014-në muajin Janar 2015, kohë në të cilën shtrihet periudha e përgatitjes deri në finalizimin e veprës penale të prodhimit dhe shitjes së lëndëve narkotike.

10. Nga verifikimi i sisitemit TIMS rezulton se vëllai i Kryeministrit të Shqipërisë, Olsi Rama, ka dalë jashtë territorit shqiptar, me date 07/11/2014, një ditë përpara mbërritjes në Shqipëri, të dy shtetasve kolumbian Cesar Adolfo Avila Gutierrez dhe Ëalther Moren Morena, të cilët me njohuritë e tyre kimike bënë të mundur fillimin e procesit të përpunimit të kokainës. Sipas gjykatës shqiptare rezulton se një person i paidentifikuar, ka bërë të mundur ardhjen në Shqipëri të tyre në datën 08/11/2014./ CNA





Lajmet e fundit nga