Dosja "5D"/ Si Taulant Tusha favorizonte Mariglen Qaton dhe Redi Mollën për të përfituar tenderë

29 Mars 2024, 08:24, Aktualitet CNA

Taulant Tusha

Disa drejtorë të Bashkisë së Tiranës janë arrestuar me urdhër të GJKKO-së, pas hetimeve nga Prokuroria e Posaçme për abuzime me tenderët. Zyrtarët dhe ish-zyrtarët akuzohen për "Shkelja e barazisë së pjesëmarrësve në tenderë dhe në ankande publike” dhe “Korrupsioni pasiv i personave që ushtrojnë funksione publike”.

GJKKO la lëshuar 9 masa sigurie, ku janë arrestuar Mariglen Qato, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtori i Ujësjellës Kanalizimeve Tiranë.

Ndërkohë SPAK-u ka lëshuar një tjetër urdhër-arresti për Taulant Tushën. Përveç aferës së inceneratorit të Tiranës, Tusha akuzohet edhe për dosjen e famshme "5D".

HETIMET E SPAK-ut PËR TAULANT TUSHËN

Nga hetimet e Prokurorisë së Posaçme ka rezultuar se Taulant Tusha teksa mbante postin si Drejtor i Përgjithshëm i Drejtorisë së Planifikimit të Punëve Publike dhe të anëtarit të Komisionit të Vlerësimit të Ofertave ka bashkëpunuar me Enton Punavijën, Drejtor aktual i Trafikut dhe Transportit në kryeqytet, Julian Zanajn funksionar pranë Prokurimeve Publike dhe Albano Jankun.

Këta të fundit si anëtarë të Komisionit të Vlerësimit të Ofertave, në disa procedura prokurimi, e kanë favorizuar dhe i kanë krijuar këtij subjekti tregtar "5D Konstruksion” sh.p.k." avantazhe dhe privilegje të padrejta në raport me operatorët e tjerë ekonomikë që kanë marrë pjesë në procedurat e prokurimit, duke e shpallur fituese të procedurës së prokurimit në mënyrë të parregullt dhe në shkelje të rregullave të prokurimit publik.

SPAK-u thekson se Taulant Tusha ka pasur dijeni në lidhje me ortakët e vërtetë të shoqërisë “5D Konstruksion” sh.p.k. dhe ka favorizuar këtë shoqëri tregtare duke ditur se cilët persona kanë qenë zotëruesit indirektë të aksioneve të shoqërisë. Pra, ka favorizuar Redi Mollën dhe Mariglen Qaton për përfitim të tenderëve.

Masat e vendosura nga GJKKO-ja:

Arrest me burg:

Mariglen Qato
Redi Molla
Taulant Tusha

Detyrim paraqitje:

Enton Punavija
Julian Zanaj
Albano Janku
Nestor Muhamellari
Eglantina Zere
Deborah Keçi