web counter
LEXO PA REKLAMA!

SHKARKO APP

App Store
Google Play

Kush e shpëtoi burrin e deputetes së PS-së/ Ca të nënës e ca të njerkës?

25 Mars 2024, 14:46, Editorial CNA

Kush e shpëtoi burrin e deputetes së PS-së/ Ca të

SPAK-u njoftoi ditën e shtunë arrestimin e kreut të Bashkisë së Himarës, Jorgo Goro, ky i denoncuar nga Fredi Beleri, rivali i tij fitues në zgjedhjet lokale të një viti më parë, i cili ndodhet në qeli.

Jorgo Goro tashmë do të jetë në burg pranë Belerit, i pari për blerje votash, ndërsa i dyti për aferë korruptive me dhënien e pronave në Dhërmi.

Në fakt arrestimi i Goros mund të quhet një luftë e madhe ndaj zyrtarëve të korruptuar e të tjerë, por si edhe në rastet e mëparshme edhe këtu shikojmë mungesën e standardit.

CNA ka qëndruar gjithmonë te standardi “Dumani”, hetim i shpejtë e i fortë që u bë ndaj ish-zëvendëskryeministrit Arben Ahmetaj, pronave dhe pasurive të tij, ndërsa për Jorgo Goron nuk ka bashkëpunëtorë.

Në rastin e Ilir Beqajt nuk kishte faj dhe e ktheu gjykata e më pas prokuroria hetoi, SPAK-u gjeti të tjera fakte dhe prova duke thelluar hetimin.

Kush e shpëtoi burrin e deputetes së PS-së/ Ca të

Ndërsa në rastin e Jorgo Goros është marrë vetëm ky i fundit, por kanë shpëtuar zyrtarët e hipotekës të përfshirë në këtë aferë që kanë marrë pjesë në përgatitjen e dokumentacionit. Dhe nuk është arrestuar përfituesi i pronës që jo rastësisht është Artan Gaçi, bashkëshorti i deputetes socialiste, Olta Xhaçka.

Kjo e fundit, nën hetim nga SPAK-u në lidhje me pronat e ushtrisë, jo vetëm në Sarandë, për të cilën pretendohet, por dhe çështje të tjera që SPAK-u i ka në hetim.

Kush e shpëtoi burrin e deputetes së PS-së/ Ca të
Olta Xhaçka dhe Artan Gaçi

Ca të nënës e ca të njerkës

Prandaj standardi “Dumani” nuk është as në rastin e Jorgo Goros. Standardi “Dumani” nuk u vendos as me Ilir Beqajn. Standardin “Dumani” nuk e kemi në shumë nga hetimet e tjera për të cilat jo thjesht mediat apo qytetarët i shohin në një këndvështrim tjetër, pra nga ajo çka raportohet duket sikur disa janë të nënës dhe disa të njerkës.

Pra, arrestohet Jorgo Goro dhe zyrtarët e tjerë të përfshirë vazhdojnë të jenë të lirë apo rasti tjetër i Ilir Beqjës që u ndoq në gjendje të lirë gjatë gjithë kohës.

Nga ana tjetër kolegët e tij ndodhen prapa hekurave siç është rasti i Lefter Kokës apo tek inceneratori i Elbasanit ku më në fund u mor nën hetim dhe ish-zëvendëskryeministri Arben Ahmetaj, por për inceneratorin e Tiranës zullumi ende vazhdon.

Ata të cilët "gatuan" 1 miliard euro aferë janë në arrati janë të lirë.

Ndaj edhe arrestimi i Goros dhe mosarrestimi i zyrtarëve të tjerë dhe veprime të dyshimta apo mosveprimeve nga ana e SPAK-ut, disa prokurorëve të saj, gjithmonë kanë lënë pikëpyetje të mëdha.

Këto diferenca në hetime me akuza të ngritura, diferenca në arrestimet e kështu me radhë na tregojnë se SPAK-u nuk ka një standard. Ende pritet shumë nga ky institucion dhe si gur prove pa asnjë diskutim ngelet inceneratori i Tiranës, ku fajtor nuk mund të jetë Taulant Tusha sepse gjithçka është e thjeshtë.

Në rastin e pronës në Himarë fajtori ishte kryebashkiaku, i cili është ndaluar, ndërsa drejtorët dhe përfituesit janë të lirë, kurse në rastin e inceneratorit të Tiranës kryebashkiaku që e ka dhënë, që e ka kërkuar dhe ka firmosur edhe shtesa kontrate me dhjetëra miliona euro nuk është as në akuzë, as i ndaluar, është përdorur e kundërta.

Në Tiranë është kapur fundi dhe në Himara është kapur koka dhe të tjerët janë lënë të lirë, ndaj dhe standardi duket se mungon./ CNA





Lajmet e fundit nga