web counter
LEXO PA REKLAMA!

SHKARKO APP

App Store
Google Play

Deklarata e fortë e gazetarit Fundo/ “SPAK ka 5 dosje për Veliajn”

8 Prill 2024, 22:51, Aktualitet CNA
Deklarata e fortë e gazetarit Fundo/ “SPAK ka 5 dosje për
Gazetari Elvi Fundo

Gazetari Elvi Fundo bëri një deklaratë të fortë mbrëmjen e sotme, teksa foli për kryebashkiakun Erion Veliaj dhe hetimet e SPAK-ut.

Fundo tha në emisionin e Ylli Rakipit se Veliaj është thirrur në SPAK dhe brenda kësaj jave do të shkojë të dëshmojë.

Ai deklaroi se për Veliaj janë 5 dosje në SPAK, ajo e inceneratorit të Tiranës, “5D”-ja, ndërtimet te “5 Maji”, shembja e Teatrit Kombëtar dhe lejet e ndërtimit.

“Në dijeninë time i ka shkuar një thirrje, do ta shohim brenda kësaj të premteje në SPAK dhe në dijeninë time është për çështjen e inceneratorëve, jo për dosjen “5D”. Janë edhe 2-3 hetime të tjera, njëra për ndërtimet te “5 Maji”, ku përfshihen sërish këta individët, si Qato, është dosja e Teatrit dhe dosja e lejeve të ndërtimit. Pra nuk janë dy dosje, por pesë.

Prej gati një viti e një muaji z. Erion Veliaj, është në dijeni të bandës “5D”. Është konferenca e shtypit e marsit ku fillon hetimet SPAK-u dhe kallëzimi i Belind Këlliçit në maj. Pas zgjedhjeve vendore, në shtator 2023 e heq Redi Mollën nga DC dhe çon Mariglen Qaton, pra i qarkullon këta drejtorë për të cilët kishte informacion. Nuk mund të thotë se nuk ka qenë në dijeni. Sa për atë vajzën që ka çuar kodin e tenderit, ky është rasti më i rëndësishëm që duhet parë në detaje, sepse dikush nga shumë lart e ka urdhëruar jo një drejtor i të njëjtit nivel, sepse ajo në përgjime thotë qartë: më bëni derman për burgun.

Këta mua më duken një grup i strukturuar kriminal. Janë të njëjtët njerëz të përfshirë edhe tek inceneratorët, siç është Taulant Tusha, ku është Mariglen Qato në rolin e tij te IMT-ja”, theksoi gazetari./ CNA

 





Lajmet e fundit nga