web counter
LEXO PA REKLAMA!

SHKARKO APP

App Store
Google Play

E fundit!

x

“Policia, në gjendjen më të keqe”/ Denoncimi: Mijëra efektivë po largohen

8 Prill 2024, 12:20, Aktualitet CNA

“Policia, në gjendjen më të keqe”/ Denoncimi:

Grupi i Bashës ka ngritur shqetësimin për gjendjen e policisë në vend, e cila sipas tyre është në gjendjen më të keqe.

Në një deklaratë për mediat, Myzafer Elezi ka denoncuar se mijëra efektivë po largohen pavarësisht se Ministria e Brendshme nuk jep asnjë shifër.

Ndër të tjera theksohet se problemi më alarmant lidhur me Policinë e Shtetit është deklarata publike e kreut të SPAK-ut, i cili konstaton lidhje të disa krerëve të saj me krimin e organizuar.

“Partia Demokratike ndan shqetësimin e saj me qytetarët e vendit lidhur me gjendjen e sigurisë dhe kriminalitetit të shtuar në vend.

Aktualisht kemi një polici në gjendjen e saj më të keqe se kurrë, me dobësi të mëdha në aspektin e organizimit dhe të funksionimit të saj.

Kemi një polici, e cila si gjithë vendi ynë aktualisht po përjeton sëmundjen e hemorragjisë. Janë me mijëra efektivë të larguar, pavarësisht se Ministria e Brendshme nuk jep asnjë shifër në këtë drejtim. Por, nuk mjafton vetëm ky fakt, i cili cenon praninë e saj në terren duke ua lënë kontrollin e territorit vjedhësve dhe bandave të krimit.

Por, aktualisht e riorganizuar ajo paraqitet si një piramidë me kokë poshtë për shkak të fryrjes në ekstrem të nivelit të saj qendror.

Është kjo polici, e cila funksionon në bazë të një ligji të miratuar në vitin 2014. Këtij ligji, mazhoranca i ka bërë 12 ndërhyrje ligjore duke prekur edhe themelet e tij.

Dhe si të mos mjaftonin këto ndërhyrje klienteliste në këtë organ kaq të rëndësishëm, lidershipi politik i saj ka nisur konsultimin publik të një projekti të ri të ligjit për Policinë e Shtetit.

Propaganda flet për ndryshime, kurse realiteti flet për paqëndrueshmëri ligjore dhe për jovazhdimësi procedurash. Këto të fundit ngjallin vetëm konfuzion dhe mungesë efikasiteti.

Megjithatë, problemi më alarmant lidhur me Policinë e Shtetit është deklarata publike e kreut të SPAK-ut, i cili konstaton lidhje të disa krerëve të saj me krimin e organizuar.

Është një akuzë publike që nuk e bën një forcë politike, që nuk e bën një gazetar apo një OJF, por e bën institucioni më i rëndësishëm i vendit për luftën kundër krimit të organizuar, SPAK.

Një fakt i tillë përbën një kambanë të fortë alarmi për publikun, për fëmijët tanë, për të rinjtë që largohen çdo ditë nga vendi, por edhe për partnerët ndërkombëtarë që asistojnë e bashkëpunojnë me këtë polici.

Partia Demokratike mbështet pa rezerva SPAK-un dhe e inkurajon atë në luftën ndaj krimit të organizuar në administratën shtetërore, përfshi edhe krimin brenda strukturave të Policisë”, tha Myzafer Elezi./ CNA





Lajmet e fundit nga