web counter
LEXO PA REKLAMA!

SHKARKO APP

App Store
Google Play

Baton Haxhiu sulmon Dumanin/ Analisti i Ramës, si sindikalist i krimit

7 Prill 2024, 13:20, Aktualitet CNA
Baton Haxhiu sulmon Dumanin/ Analisti i Ramës, si sindikalist i krimit
Altin Dumani dhe Baton Haxhiu

Doktor Baton Haxhiu që paguhej me thasë si shkencëtar në një spital privat, ka reaguar me një shkrim të gjatë ku jep leksione të sigurisë kombëtare dhe akuzon kreun e SPAK-ut, Altin Dumani, se ka cenuar sigurinë kombëtare.

Në fakt përpara se të japë këto leksione mirë do ishte që Batoni të kërkonte ndjesë për ato dhjetëra mijëra dollarët e tjera paguar nga inceneratorët që i mohoi, apo për gënjeshtrat në studio se kishte një aleancë Berisha-Rama kundër SPAK-ut, ku mesa duket në të njëjtën linjë qëndron edhe Batoni.

Haxhiu shkruan në rreshtat e tij se ka studiuar literaturë shkencore për sigurinë kombëtare, sjelljen e zyrtarëve të prokurorisë etj., sipas tij "në literaturën shkencore të fushës, korrupsioni, e sidomos në radhët e policisë, konsiderohet kërcënim direkt për sigurinë kombëtare, sepse bëhet fjalë për persona në pozita të ndjeshme, apo pozita me rëndësi kritike për funksionimin e shtetit.

Këto gjëra kryeprokurori Dumani i di mirë, prandaj deklarata e tij “bombë” para KLP është problematike, jo vetëm për atë që është thënë, por edhe për (mos) veprimet pas saj.

Sikur këtë ta thoshte një analist, një studiues, apo kushdo që merr vesh, apo pretendon që merr vesh në këto problematika, gjithçka do të ishte në rregull. Por, zotëri Dumani nuk është një analist televiziv. Kryeprokurori është një institucion që ka obligim ligjor të prezantojë vetëm mendim të bazuar në fakte konkrete. Po ashtu pohimet kaq serioze të kryeprokurorit nuk janë deklarime që zyrtarët e tjerë, si p.sh. Drejtori i Policisë, Ministri i Brendshëm e deri te Kryeministri, t’i kalojnë në heshtje”.

Meqë nuk ditka gjë akoma Baton Haxhiu le të kujtojë se disa muaj më parë u arrestua shefi i Forcës Operacionale, Oltion Bistri. Në rast se nuk e di, është zyrtari më i lartë i Policisë me gradë, kapur ndonjëherë për një krim të tillë. Bistri ishte njeriu që duhet të bënte arrestimet për llogari të SPAK-ut, por në fakt fliste me banditë e kriminelë, u tregonte si të shpëtonin nga prangat dhe dekonspironte operacionet. Dhe ky është fakt që në rast se Batoni nuk e di le ta mësojë.

A ka zyrtarë të tjerë në polici? Patjetër që po, janë ata që mbuluan Shqipërinë me kanabis dhe janë në detyrë shumica, janë ata që bashkëpunuan me krimin që Shqipëria të gjelbëronte nga droga. Nuk e di këtë Batoni? S’ia ka thënë Edi Rama si i ka mbajtur, rikthyer, e graduar gjithë njerëzit që veshën Shqipërinë me drogë?

Baton Haxhiu sulmon Dumanin/ Analisti i Ramës, si sindikalist i krimit
Baton Haxhiu

E në rast se nuk e di, le ta mësojë që në polici ka ende persona me lidhjet e krimit, dhe le të shohë pak se kush i bën edhe emërimet në polici dhe si influencon krimi dhe lidhjet politike për të kapur postet kyçe.

Në rast se bën sikur nuk i di të gjitha këto edhe më keq akoma sepse thjesht Batoni bashkohet me krimin dhe bëhet sindikalist i tyre./CNA 

 





Lajmet e fundit nga