E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Bisedat telefonike/ Si e shkarkoi nga detyra Mariglen Qato punonjësin e kompanisë "5D"

7 Prill 2024, 11:21, Aktualitet CNA

Mariglen Qato

Në dosjen hetimore të Prokurorisë së Posaçme për kompaninë "5D", janë siguruar prova, fakte, biseda telefonike dhe dokumente që tregojnë se drejtorët e kryebashkiakut Erion Veliaj kanë shkelur ligjin me të dyja këmbët.

Më 28 mars, GJKKO vendosi 9 masa sigurie për drejtorët dhe zytarët e Bashkisë së Tiranës, mes të cilëve në pranga ranë Mariglen Qato dhe Redi Molla, si dhe u vendos një tjetër masë arresti për Taulant Tushën.

Nga hetimet e SPAK-ut ka rezultuar se Molla dhe Qato janë pronarët "de facto" të kompanisë "5D Konstruksion", nëpërmjet së cilës janë përfituar me dhjetëra tenderë në shkelje të ligjit.

SPAK-u ka mundur të sekuestrojë jo vetëm telefonin e administratorit të kompanisë, Nestor Muhametllarit, por edhe të punonjësve të tjerë.

Nga bisedat telefonike është zbuluar se Qato dhe Molla dhe jo vetëm që merrnin pjesë në mbledhjet e kompanisë, informoheshin për të dhënat financiare, por edhe hiqnin punonjës nga puna.

Kjo duket qartë në një komunikim midis punonjësit Taulant Cjapi dhe administratorit të kompanisë "5D", Nestor Muhametllarit. Vendimi për heqjen nga puna të Cjapit është marrë nga Mariglen Qato.

"Shtetasi Taulant Cjapi ka rezultuar se ka qenë i punësuar në shoqërinë “5D Konstruksion" sh.p.k. Midis shtetasit Taulant Cjapi dhe shtetasit Nestor Muhametllari në datën 26.07.2021 është zhvilluar biseda si më poshtë:
Taulant: "Sot mora vesh që kanë thënë që hiqe Landin nga puna, të jemi koshientë që unë kam bërë aq sa kam ditur dhe mbase nga masditja po jo të lini familjen pa bukë.
Nestori: "O Land ty as mik të kam sjellë dhe as nuk të kam hequr unë... vendimi për ty më ka ardhur".

Taulant: "Flm vëllai, të ectë mbarë në punë".
Nestor: "Flasim Land".
Taulant: "S'kemi ca të flasim më, ti ikishe thënë Merit (Mariglen Qatos) që Lani nuk bën asgjë. Ndërkohë që unë kokë të çunit të kam kërkuar punë përditë dhe ti i kishe thënë që Landi nuk bën asgjë. Kështu më tha në telefon, unë di që jam sjellë mirë", thuhet në dosjen hetimore./CNA