Dyshja Veliaj-Bollino dhe hallet e SPAK-ut

6 Prill 2024, 16:06, Aktualitet CNA

"5D” ishte skema më e re e vjedhjes, e cila ka tronditur themelet e Bashkisë Tiranë dhe jo vetëm, por edhe të shtetit.

3 drejtorët kryesorë të Bashkisë Tiranë përfunduan në pranga për abuzime me tenderët nga të cilët sipas përllogaritjeve kanë përfituar rreth 20 milionë euro.

6 zyrtarë të tjerë janë në hetim në masën detyrim me paraqitje, që ashtu siç ka rezultuar nga hetimet e SPAK-ut janë të përlyer në korrupsion, pasi zbatonin urdhrat nga drejtorët, duke dhënë tenderë pa garë, duke shpallur fitues para afateve e të tjera si këto.

Organizata kriminale e Erion Veliajt
4 Prill, 12:46

Por le të shkojmë më tej

Duhet të theksojmë që në të gjitha këto skandale është fakti që mediat pranë Veliajt dhe PS-së, heshtën ose i trajtuan drejtorët e Veliajt si ish-zyrtarë, duke mos u dhënë jehonën e duhur, duke mos e trajtuar si skemë të një grupi të strukturuar, i cili kishte lëshuar tentakulat e tij kudo nëpër institucione vartëse të Bashkisë, e deri në ndërtimet e hoteleve nga persona me rrogë 600 mijë lekëshe që ndërtonin hotele miliona euroshe në bregdet. Por tashmë gurët po lëvizin ndryshe. (LEXO KETU)

Erion Veliaj shet drejtorët, Carlo Bollino i lëshon

Erion Veliaj po i shet drejtorët e tij dhe kjo na kujton një shprehje të kryeministrit Rama “kokat hëngshin”.

Në këtë rast, kjo shprehje i shkon lali Erit, i cili në deklaratat e tij publike nuk di më se çfarë t’i quajë, kolegë, fajtorë, hajdutë apo bashkëpunëtorë. Ngul këmbë që hajdutët e “5D”-së të dalin para drejtësisë.

Veliaj shet drejtorët që të "shpëtojë" kokën
5 Prill, 18:14

Por duket se në të njëjtën linjë si Veliaj po shkon edhe media e inceneratorëve, media në krah të Rilindjes, që njësoj si kryebashkiaku, po i lëshon drejtorët.

Kjo për një fakt të thjeshtë, pasi në 28 mars, në ditën e arrestimeve, i quajti ish-drejtorë Mariglen Qaton, Redi Mollën & Co, ndërsa së fundi i quan drejtorë.

Fakti është ky.

Dyshja Veliaj-Bollino dhe hallet e SPAK-ut

Artikulli me 28 mars

Dyshja Veliaj-Bollino dhe hallet e SPAK-ut

Artikulli me 3 Prill

Tashmë thonë se janë arrestuar 3 drejtorë. Ditën e arrestimit i quante ish-drejtorë. Në fakt janë 9 drejtorë.

Çfarë po ndodh?

Avash-avash dhe Carlo Bollino i inceneratorëve po e pranon me dhimbje që shokët e lali Erit përfunduan në burg si hajdutë. Pasi i shiti lali Eri, tani po i lëshon dhe Carlo Bollino duke i quajtur drejtorë në median e tij të paguar nga inceneratorët.

Nën hetim janë edhe disa drejtorë të tjerë që Veliaj e di mirë se ku do të përfundojnë.

Hetimet po vazhdojnë. Zullumi është i madh, lidhjet dhe tentakulat e “5D”-së shkojnë deri tek inceneratorët. SPAK-u po vijon hetimet dhe të tjera arrestime priten.

Një fletëthirrje në SPAK për Veliajn ka arritur. Nuk do të vonojë shumë që herët apo vonë, Veliaj duhet të flasë për ato që kanë ndodhur në Bashkinë e Tiranës, për skemën korruptive që ka gllabëruar taksat e qytetarëve shqiptarë.

Ekskluzive/ Erion Veliaj thirret në SPAK
5 Prill, 14:12

Janë 9 drejtorë me akuzë dhe disa të tjerë nën hetim. Disave u janë marrë pasaportat që mos largohen nga Shqipëria.

Tani i pranuan drejtorët dhe Veliaj na tha dhe punët e mira që kishin bërë bashkëpunëtoret e tij të organizatës kriminale që kishin fituar dhjetëra milionë euro tendera dhe ishin pasuruar dule vjedhur xhepat e shqiptarëve të varfër.

Skandali me dosjen "5D"/ Veliaj shet bashkëpunëtorët: Do të përballen vetë me drejtësinë
6 Prill, 12:26

Drejtorët ikën, Veliaj i lëshon, Bollino e dredh. Koha vonon por nuk harron as për Veliajn, Bollinot e gjobaxhinjtë e tij të paguar nga drejtorët e Lalit që po bien një e nga një.

Jave e re lajme të reja. Për Bollinon që do mërzitet prapë dhe Veliajn që do shkojë në SPAK./CNA