web counter
LEXO PA REKLAMA!

SHKARKO APP

App Store
Google Play

Toka e Artan Gaçit, burrit të Olta Xhaçkës

5 Prill 2024, 19:02, Aktualitet CNA
Toka e Artan Gaçit, burrit të Olta Xhaçkës
Olta Xhaçka dhe Artan Gaçi

Ditën e sotme, Gjykata e Posaçme e Shkallës së Parë për Korrupsionin dhe Krimin e Organizuar ka vënë nën sekuestro pasurinë e paluajtshme, e konturuar nga Bashkia Himarë, me sipërfaqe 5080 m2, të Artan Gaçit, bashkëshortit të Olta Xhaçkës.

Nga hetimet paraprake të kryera në kuadër të këtij procedimi penal ka rezultuar se persona të cilët tashmë kanë pozitën procedurale të shtetasve nën hetim, kanë realizuar me veprime konkrete zhvendosjen faktike në terren të një sipërfaqe tokë bujqësore prej 5,080 m2, duke ja mbivendosur atë një  pasurie tjetër në pronësi të shtetit.

Këta shtetas kanë tejkaluar të gjitha kompetencat që ligji i njeh, duke u shprehur për ekzistencën e një mbivendosje pasurish të paluajtshme në terren dhe më pas duke konfirmuar një plan vendosje, e cila nuk i korrespondon rrethanave faktike në terren.

Kjo plan-vendosje ka shërbyer jo vetëm për transaksionet e mëpasshme ndërmjet subjekteve të ndryshëm por edhe për zhvillimin e pronës, përfshirë këtu pajisjen me leje ndërtimi për një kompleks turistik në emër të një shoqërie tregtare, i cili do të ndërtohet mbi këtë sipërfaqe toke, por edhe mbi atë prej 5,512 m2 të sekuestruar më parë nga Prokuroria e Posaçme.

E gjithë sipërfaqja e tokës bujqësore prej 10, 592 m2, e cila i është nënshtruar procedurave të sekuestros preventive në dy faza, është në fakt pronësi të shtetit dhe rezulton të jetë tjetërsuar e më pas zhvilluar nga një subjekt privat.

Kujtojmë se për këtë është në burg kryebashkiaku në detyrë i Himarës, Jorgo Goro dhe zyrtarë të tjerë.

Po ashtu nën hetim është edhe bashkëshorti i Olta Xhaçkës, Artan Gaçi.

Jorgo Goro, pa asnjë verifikim konkret, ka përcjellë dokumente të falsifikuara dhe tokën shtetërore ia dha bashkëshortit të ish-ministres Olta Xhaçka./ CNA

 

 

 





Lajmet e fundit nga