web counter
LEXO PA REKLAMA!

SHKARKO APP

App Store
Google Play

Veliaj del nga kontrolli/ Nis sulmet pas arrestimeve të drejtorëve të tij

5 Prill 2024, 17:53, Aktualitet CNA

Veliaj del nga kontrolli/ Nis sulmet pas arrestimeve të drejtorëve

Arrestimi i drejtorëve, bashkëpunëtorëve të tij më të ngushtë ka nxjerrë jashtë kontrollit Erion Veliaj.

Ai ka hedhur breshëri sulmesh ndaj opozitës dhe drejtuesit politik të PD-së për Tiranën, Belind Këlliçi, pasi pas denoncimeve SPAK vendosi prapa hekurave drejtorët e tij që kanë vjedhur miliona nga tenderat e Bashkisë.

"Belindi, dhëndri ynë që kërcen si gjel, mori më pak vota se Luli Basha", u shpreh ai. 

Në shënjestrën e tij ka vënë edhe kreun e Partisë së Lirisë, Ilir Meta dhe Monika Kryemadhi.

"Meta do përfundojë atje ku nuk ia merr as ëndrra e tij më e keqe. Politikisht do përfundojë shumë keq si parti e shqyer", ka thënë Veliaj. 

Po ashtu edhe Argita Berishën dhe Shkëlzen Berishën.

Por nga ana tjetër u ka uruar drejtorëve të tij, të arrijnë të provojnë pafajësinë para drejtësisë.

“Si çdo organizatë me 10 mijë vetë ka problemet e veta. Kemi filluar të reflektojmë të evitojmë konfliktin e interesit.

Uroj që pafajësinë ta provojnë para drejtësisë.Është akoma në hetim të provohet pretendimi i prokurorisë.

Kur shikoj që protestën e drejtojnë Argita dhe Shkëlzeni, t’i lësh Bashkinë e Tiranës Argitës dhe Shkëlzenit ta hedhin në erë", ka thënë Veliaj ndër të tjera./ CNA





Lajmet e fundit nga