web counter
LEXO PA REKLAMA!

SHKARKO APP

App Store
Google Play

E fundit!

x

Kur fajin e ka SPAK-u?

5 Prill 2024, 19:06, Aktualitet CNA
Kur fajin e ka SPAK-u?
SPAK

Ka individë që besojnë tek struktura e SPAK-ut, ka njerëz që kanë shpresë ka dhe disa që nuk e besojnë fare, që quhen një kazermë politike e kontrolluar nga Rama e kështu me radhë.

Në fakt, jemi përballë shumë detajeve që lidhen me standartet e institucionit dhe rastet janë të shumta.

Për shembull pronat e ushtrisë në Sarandë dhënë për ndërtim sekuestruan nga SPAK-u, asnjë nga firmëtarët e saj nuk shkoi pas hekurave ndërsa në Himarë thuajse në të njëtën situatë ka ikur pas hekurave kryetari i Bashkisë, firmëtarët e kështu me radhë.

Kërkohet një lloj standardi nga të gjithë, kërkohet si për proceset e hetimit pasuror për ish-ministrat, kërkohet që kjo procedurë të kryhet dhe për drejtorët e arrestuar të Veliajt. Pse nuk thirret Veliaj në SPAK e të tjera si këto.

Në fakt, janë të gjitha pjesë të vogla të një puzzle të madh që e ka emrin SPAK.

Fajin e ka SPAK

Po është e vërtetë që fajin e ka SPAK-u sepse dosja “5D” dhe drejtorët e arrestuar në fakt, nuk janë arrestuar prej tyre.

Që të gjithë e kanë marrë vesh, klasa politike se kush janë hajdutët në Bashkinë e Tiranës, si janë përfshirë ata në korrupsion e me radhë, nuk i hetoi SPAK-u.

Kur fajin e ka SPAK-u?

Ranë nga qielli për disa.

Koncesionet nuk po i heton SPAK-u, ata ministrat që janë nëpër burgje, zyrtarët e tjerë të lartë, skandali i aferës së inceneratorëve, sado që media u përpoq, zbardhi, luftoi, në fund ishte SPAK-u që veproi, ishin prokurorët e këtij institucioni. As ata nuk ranë nga qielli.

Dosja e Sterilizimit, mirë ose keq, me standarde ose jo, u çua në gjykatë. Ka një tjetër ministër nën akuzë dhe këtë nuk e ka bërë SPAK-u.

Kush e bëri atë?

Ka kryetarë bashkish, ish-kryetarë bashkish, ministra, ish-zyrtarë nën akuzë ka hetime, ka persona në hetim, ka grupe kriminale, ka banditë të arrestuar edhe këto dsipas disave, nuk i ka bërë SPAK-u, janë bërë vetë. Ky është rasti ku ka fajin SPAK-u se, gjitha këto i ka bërë vetë.

E vërteta është që SPAK ka rezultate. Dikush kërkon më shumë, dikush më pak por faktet janë përpara dhe të palëkundura.

Çështja e standardeve, çfarë kërkohet më tej deri ku do të shkohet, është një gjë tjetër , por e vërteta është një dhe vetme.

SPAK-u mund të bënte ndoshta më shumë, por ka bërë shumë dhe për këtë fajtor është vetëm SPAK-u./ CNA

 





Lajmet e fundit nga