web counter
LEXO PA REKLAMA!

SHKARKO APP

App Store
Google Play

5D-SPAK një hap drejt Veliajt/ Gazetari: Ka mbetur vetëm t’i komunikohet akuza

4 Prill 2024, 19:26, Aktualitet CNA

5D-SPAK një hap drejt Veliajt/ Gazetari: Ka mbetur vetëm t’i

Gazetari Julian Hoxha ka folru për arrestimet dhe hetimet e dosjes 5D.

Ai është shprehur se në dosjen 5D ka shumë personazhe të lidhur me njëri-tjetrin.

Sa i përket hotelit në Dhërmi që e ka Ervin Tivari me vëllain e Kryebashkiakut të Matit, Julian Hoxha bëri me dije se nuk gjendet leja e ndërtimit.

“Është Durim Mustafa, që ka qenë pjesë e Komisionit të Vlerësimit të Ofertave, vartësi i Redi Mollës, që shpall fitues të tenderit kompaninë ‘5D’ ku pjesë është edhe Redi Molla. Pastaj Mustafa ble një kompani, ABG, bën punimet në hotel ‘Labrisa’, më pas fiton dy tendera në bashkinë e Matit, një 3.7 mln euro dhe tjetrin 2 mln euro, ndërkohë nuk kishte asnjë eksperiencë. Pra, edhe ABG e kanë përdorur për të fituar tendera në bashkitë e majta”, tha Hoxhaj.

Ndër të tjera, gazetari tha se SPAK është një hap drejt Veliajt dhe nuk ka mbetur asgjë tjetër veçse t’i komunikohet akuza.

“Në raport me Erion Veliajn nuk ka mbetur gjë tjetër vetëm ti komunikohet akuza, pasi në të paktën 13 raste është provuar përgjegjësia, edhe pse nuk përmendet me emër. SPAK ka hedhur një hap drejt Kryetarit të Bashkisë së Tiranës. Në pikën 3 të akuzës së SPAK gjendet me përgjegjësi edhe Erion Veliaj, pavarësisht se nuk i përmendet emri. GJKKO gjithashtu ka kërkuar që të hetohet edhe roli i autoritetit kontraktor, që është kryebashkiaku, pavarësisht se nuk përmendet emri", tha ai./ CNA





Lajmet e fundit nga