web counter
LEXO PA REKLAMA!

SHKARKO APP

App Store
Google Play

E fundit!

x

"700 të dënuar lirohen menjëherë"/ Manja: Nuk përfitojnë të dënuarit nga GJKKO

4 Prill 2024, 18:57, Aktualitet CNA
"700 të dënuar lirohen menjëherë"/ Manja: Nuk
Ministri i Drejtësisë, Ulsi Manja

Ministri i Drejtësisë, Ulsi Manja gjatë fjalës së tij në prezantimin e projektligjit të amnistisë penale që pritet të votohet sot në Kuvend, ka dhënë detaje mbi propozimet e opozitës të cilat i janë bashkangjitur këtij projektligji.

Manja në fjalën e tij nga foltorja e Kuvendit të Shqipërisë, në lidhje me projektligjin e Amnistisë Penale, tha se është përgjegjësia e çdo deputeti ta votojë atë.

“Nga kjo amnisti nuk do të përfitojnë ulje dënimi të dënuarit me burgim përjetë, si dhe të dënuarit nga GJKKO.

Tashmë ulja e dënimit për të dënuarit burra që përfitojnë nga amnistia do jetë 1 vit e gjysmë, ndërsa për gratë 2 vite, duke bërë kështu që deri në shtator të këtij viti të kemi një numër të lartë personash që përfundojnë dënimin.

700 të dënuar do të lirohen menjëherë, ndërsa 400 të tjerë do të përfitojnë ulje dënimi. Do të pushohen menjëherë 232 çështje të protestuesve të opozitës, përfitojnë personat të cilët kanë vendim të formës së prerë deri në datë 31 mars 2024.”

Gjithashtu, Manja falenderoi kolegët e opozitës që janë të pranishëm ditën e sotme në votimin e Amnistisë Penale.

Ministri e quajti qëllimin e amnistisë, një akt mëshire i sovranit.

“Nuk do përfitojnë nga amnistia, por as ulje dënimi personat e dënuar nga GJKKO. Sepse për ndjekjen penale as që bëhet fjalë. Do përfitojnë persona të cilëve u ka marrë formë të prerë vendimi deri në datën 31.03.2024.

Nga variant fillestar i amnistisë i miratuar në komisionin e ligjeve. Përfitojnë nga amnistia të dënuarit burra që janë dënuar deri në 4 vjet, gratë e dënuara deri në 5 vite, përfitojnë të miturit, persona gra që në datën e hyrjes në fuqi të ligjit janë 50 vjeç, burra në moshën 60 vjeç.

Ky ligj ka kufizime përkatëse, mund të përfitosh për efekt të dënimit por jo për vepër penale. 95% e veprave penale nuk përfshihen në këtë projektligj amnistie. Jemi kujdesur që në këtë amnisti, kategoria e subjketeve që nuk përfitojnë, të kemi edhe një parashikim të përgjithshëm për uljen e dënimit.

Ka qenë 1 vit për burrat dhe 1 vit e gjysmë për të dënuarat gra. Kemi pranuar propozimin e bërë në amendamentin e opozitës së Bardhit që ulja e dënimit të shkojë në 1 vit e gjysmë për burrat dhe 2 vite për gratë.

Lidhur me ndjekjen penale, kjo amnisti shtrihet mbi ndjekjen penale vetëm për kundravajtje penale dhe juristët e dinë se ky kufi është 2 vjet. Kemi vlerësuar të shuhet ndjekja penale, për të gjitha çështjet që janë në hetim apo gjykim ende pa u marrë vendimi i formës së prerë.

Do përjashtohen kallëzimet për lloje veprash penale të kryera gjatë grumbullimeve deri në datën 31.03.2024. Do të thotë që për protestuesit e opozitës, do kemi pushim të ndjekjes penale në çdo fazë të hetimit apo gjykimit për këtë kategori veprash”/ CNA





Lajmet e fundit nga