web counter
LEXO PA REKLAMA!

SHKARKO APP

App Store
Google Play

Ekskluzive/ SPAK-u do të hetojë pasuritë e zyrtarëve të Veliajt

30 Mars 2024, 09:19, Aktualitet CNA
Ekskluzive/ SPAK-u do të hetojë pasuritë e zyrtarëve të
Erion Veliaj

Pas arrestimeve të bujshme të shumë drejtorëve të kryebashkiakut Erion Veliaj, të cilët ky i fundit i mohoi duke i quajtur ish-zyrtarë, CNA ka mësuar se SPAK-u do të hetojë pasuritë e këtyre personave. Taulant Tusha, Mariglen Qato, Redjan Molla, Eglantina Zere, Deborah Keçi, Enton Punavija, do t’u bëhet verifikimi i pasurive.

Një standard ky i deklaruar më parë nga kreu i këtij institucioni, Altin Dumani. Ky i fundit, në një takim me mediat, tha se SPAK-u tashmë ka vendosur një standard, ai i hetimit pasuror. Një hetim pasuror që do të bëhet për të gjithë drejtorët e Erion Veliajt, të cilët ndodhen pas prangave, që përveç faktit se u janë gjetur dokumente, komunikime, para, qarkullime dhe akuzohen për korrupsion, tashmë duhet të justifikojnë dhe pasuritë e tyre, duhet të justifikojnë miliona euro që kanë fituar nga posti që ata mbanin.

Ekskluzive/ SPAK-u do të hetojë pasuritë e zyrtarëve të
Altin Dumani

CNA ka mësuar gjithashtu se edhe një pjesë tjetër zyrtarësh të Bashkisë së Tiranës po vazhdojnë të hetohen në lidhje me dosjen “5D”.

Dosja “5D” është një kallëzim i bërë nga ish-deputeti dhe ish-kandidati i bashkisë së Tiranës, Belind Këlliçi, i cili aktualisht është koordinatori i degës së kryeqytetit.

Një hetim që ka filluar kryesisht nga SPAK-u pas denoncimit të bërë publikisht nga Belind Këlliçi në një konferencë shtypi dhe më pas ka qenë po ish-deputeti, i cili ka çuar në kallëzim me dorën e tij në SPAK në lidhje me drejtorët e Bashkisë së Tiranës, të cilët jashtë kohës së zgjedhjeve, ishin edhe shtabi elektoral, i kryebashkiakut Erion Veliaj.

Ky i fundit, sipas dyshimeve të opozitës dhe akuzave të bëra nga PD-ja, ka përdorur drejtorët e tij nëpërmjet subjekteve të ndryshme dhe aktiviteteve tregtare, të fitojnë tenderë, por paratë e fituara t’i përdorin për blerje votash dhe manipulimin e rezultatit zgjedhor./CNA 





Lajmet e fundit nga