web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen pasuritë e miqve të Evis Berberit

29 Mars 2024, 13:28, Aktualitet CNA
Sekuestrohen pasuritë e miqve të Evis Berberit
Evis Berberi

Me vendim të Gjykatës së Posaçme janë sekuestruar pasuritë e Valter Begajt dhe Ervis Lamit, miqve të Evis Berberit, ish-kreut të ARRSH-së, i arrestuar pak javë më parë me urdhër të SPAK-ut. 

Janë sekuestruar 13 pasuri, nga të cilat 7 makina dhe 5 pasuri të paluajtshme dhe kuotat e shoqërisë “DAAM” sh.p.k.

Njoftimi i SPAK: 

Prokuroria e Posaçme kundër Korrupsionit dhe Krimit të Organizuar, ka kryer hetime kryesisht në kuadër të procedimit penal Nr. 214, të vitit 2023, për veprat penale “Shkelja e barazisë së pjesëmarrësve në tendera”, “Korrupsioni aktiv i personave që ushtrojnë funksione publike”, kryer në bashkëpunim, “Korrupsioni pasiv i personave që ushtrojnë funksione publike”, “Pastrimi i produkteve të veprës penale apo i veprimtarisë kriminale”, kryer në bashkëpunim, parashikuara nga nenet 258, 244-25, 259, 287/2 të Kodit Penal.  

Në vijim të njoftimeve të mëparshme, për faktin penal të rezultuar dhe personat e dyshuar (njoftim i datës 14.03.2024), Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.164, datë 18.03.2024, ka vendosur:

1.      Pranimin e kërkesës së Prokurorisë së Posaçme kundër Korrupsionit dhe Krimit të Organizuar;

2.      Vendosjen e masës së sigurimit pasuror “sekuestro preventive” mbi pasuritë e mëposhtme:

·         Kuotat e shoqërisë “DAAM” sh.p.k., me ortak personin nën hetim V. B. dhe administrator personin nën hetim E. L;

·         Pasurinë e paluajtshme Nr.80/2, e llojit “arë”, me sipërfaqe 25,100 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.

·         Pasurinë e paluajtshme e llojit “arë” me sipërfaqe 1,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;

·         Pasurinë e paluajtshme e llojit “arë”, me sipërfaqe 1,080 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;

·         Pasurinë e paluajtshme e llojit “arë”, me sipërfaqe 2,055 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;

·         Pasurinë e paluajtshme me sipërfaqe 5,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;

·         Automjetin e markës “SKODA”, modeli “FABIA”, viti i prodhimit 2019;

·         Automjetin e markës “JEEP”, modeli “COMPASS”, viti i prodhimit 2011;

·         Automjetin e markës “BMW”, modeli “X3”, viti i prodhimit 2004;

·         Automjetin e markës “FORD”, modeli “KUGA”, viti i prodhimit 2011;

·         Motomjetin e markës “DAYANG”, modeli “DY125T-32”, viti i prodhimit 2022;

·         Automjetin e markës “KIA”, modeli “SELTOS”, viti i prodhimit 2020;

·         Automjetin e markës “HYUNDAI”, modeli “AVANTE”, viti i prodhimit 2020;

Sqarim: Çdo person prezumohet i pafajshëm derisa nuk vërtetohet fajësia e tij me vendim gjyqësor të formës së prerë./CNA 





Lajmet e fundit nga