web counter
LEXO PA REKLAMA!

SHKARKO APP

App Store
Google Play

Mediat e qeverisë, Rama: Janë killera e gjobaxhinj

6 Prill 2024, 16:51, Aktualitet CNA

Mediat e qeverisë, Rama: Janë killera e gjobaxhinj

Kryeministri Edi Rama ka sulmuar mediat të cilat kanë raportuar atë që po ndodh brenda Bashkisë Tiranë dhe qeverisë, duke i quajtur killera dhe gjobaxhinj.

Në reagimin e tij pas kërcënimeve të Erion Veliajt, Rama shfryn ndaj mediave duke thënë që janë mllefe interesaxhinjsh dhe interesa gjobaxhinjsh.

Por në fakt gjobat dhe shantazhet i bëjnë ata që kanë pushtetin.

I bëjnë mediat pranë Ramës, ato që janë ortake me inceneratorët.

Ato që i paguajnë drejtorët hajdutë të Veliajt. Janë mediat e pushtetit që i mbron pushteti dhe ato që fshihen si anonime janë killerat e 99-çave të Rilindjes.

“Mendësia e vjetër komuniste, fatkeqësisht ende shumë e pranishme në mënyrën e të parit të tjetrit si armiku që duhet shkatërruar (falë trashëgimisë së hidhur në një segment të tërë të politikës e të medias shqiptare të një komunisti fanatik, të konvertuar në liderin trushpëlarës të krejt atij segmenti që nga dita e parë e pluralizmit deri sot) nakatosur me thashetheme kafenesh, mllefe interesaxhinjsh dhe interesa gjobaxhinjsh, nëpër ekrane e portale që u ngjajnë tabelave të fletë-rrufeve të komunizmit, prodhon përditë baltë e helm me çështjet e drejtësisë! Po kësaj s’kemi ç’i bëjmë për sa kohë shpifjet e politikanëve dhe denigrimet e killerave mediatikë,  janë bërë pjesë e jetës sonë publike të kthyer në një xhungël ku s’e merr vesh i pari të dytin, ku nuk debatohet me argumenta po vetëm propagandohet me akuza e bërtitet për të mos lënë tjetrin të flasë, ku liria e shprehjes është bërë liri e shpifjes, ku shpifësit përveçse me votë nuk ndëshkohen as me ligj e as me zakon, po vetëm zaptojnë me pafytyrësi që edhe në Kanunin e vjetër të shqiptarëve, edhe në çdo libër edukate të qytetërimit demokratik, konsiderohet shkelje e pafalshme”, thotë Rama në reagimin e tij./ CNA

 





Lajmet e fundit nga