web counter
LEXO PA REKLAMA!

SHKARKO APP

App Store
Google Play

E fundit!

x

I besoi kompaninë "5D"/ Lidhja shoqërore, ku u njoh Redi Molla me Muhametllarin

7 Prill 2024, 11:50, Aktualitet CNA
I besoi kompaninë "5D"/ Lidhja shoqërore, ku u njoh Redi
Redi Molla

Skandali i korrupsionit të drejtorëve të Bashkisë së Tiranës vijon të mbetet në fokus të debatit publik.

Detaje vijojnë të dalin nga dosja hetimore, që tregojnë se si nisi bashkëpunimi me kompaninë "5D", për të përfituar miliona euro tenderë nga Bashkia e Tiranës.

Drejtorët e Veliajt, të cilët sipas SPAK janë pronarët “de facto” të kompanisë, u fshehën pas emrave të tjerë.  Administrator i kësaj kompanie ishte Nestor Muhametllari.

Ky i fundit dhe Redi Molla kanë njohje të hershme dhe lidhje shoqërore me Muhametllarin, aq sa drejtori i Veliajt i besoi administrimin e kësaj kompanie.

Nga dosja hetimore bëhet me dije se gjatë periudhës 2011-2018, Nestor Muhametllari ka qenë i punësuar në një kompani private ndërtimi. Në të njëjtën kompani ka qenë i punësuar edhe Redi Molla në periudhën maj 2013-prill 2015. Të dy këta persona janë të njohur me njëri-tjetrin, pasi kanë punuar për rreth dy vjet në të njëjtën kompani.

Kujtojmë që Muhametllari u emërua administrator i kompanisë në vitin 2018, nga Muhamet Petriti, vjehrri i vëllait të Mariglen Qatos.

Kompania “5D Konstruksion” fitoi 45 tenderë publikë, duke nisur nga viti 2016, me vlerë rreth miliona euro./CNA 

 





Lajmet e fundit nga