web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen mesazhet/ “5D” merr tenderin te Liqeni i Thatë, entuziazmohet Redi Molla

1 Prill 2024, 14:14, Aktualitet CNA
Zbardhen mesazhet/ “5D” merr tenderin te Liqeni i Thatë,
Redi Molla dhe Erion Veliaj

CNA ka zbardhur të tjera biseda nga dosja e Prokurorisë së Posaçme për aferën me kompaninë “5D” të drejtorëve të Erion Veliajt, që ka përfituar tenderë nga Bashkia e Tiranës.

Në bisedat e dekriptuara është edhe një mes Nestor Muhametllarit, që komunikon me Redi Mollën.

Komunikimi është zhvilluar më 12 nëntor të 2021-shit dhe flitet për një tender ku ka marrë pjesë kompania “5D Konstruksion”.

Bëhet fjalë për tenderin e ndërtimit të pedonales dhe korsisë së biçikletave te Liqeni i Thatë.

“Nestor Muhametllari: Ok, L.Thatë. Erdhi përgjigjja.

Redi Molla: Nonaaaaaa”, thuhet në një nga bisedat e Muhametllarit me Redi Mollën, ku ky i fundit duket shumë entuziast për përgjigjen pozitive.

Kontraktori për këtë tender ka qenë Bashkia Tiranë, me fond limit 69. 600. 572 lekë, me procedurë të hapur. Në Komisionin e Vlerësimit të Ofertave gjatë kësaj kohe kanë qenë Taulant Tusha, Enton Punavija dhe Julian Zaja.

Në garë morën pjesë 22 kompani, por fituese u shpall “V.A.S. Konstruksion” sh.p.k., e cila tashmë quhet “5D”. Kompania e drejtorëve të Veliajt paraqiti ofertën prej 48. 987. 046 lekësh, shifër që zinte rreth 70% të fondit limit.

Zbardhen mesazhet/ “5D” merr tenderin te Liqeni i Thatë,

Në dosjen e SPAK-ut theksohet se “5D” nuk përmbushte kriteret për të qenë fituese, pasi ndryshe nga sa parashtroi në garë nuk kishte stafin e duhur, mjetet e duhura dhe përgatitjet apo kualifikimet përkatëse.

Punimet i zgjatën rreth 1 vit e 6 muaj përtej afatit të caktuar në kontratë.

Tusha, Punavija dhe Zaja kanë vepruar me dy standarde dhe kanë toleruar kompaninë “5D”, ndërkohë që një nga kompanitë është skualifikuar për mungesën e vetëm dy mjeteve dhe të tjerat për një formular elektronik që thotë se personi juridik është i padënuar.

Zbardhen mesazhet/ “5D” merr tenderin te Liqeni i Thatë,

Në dosje nënvizohet se një nga operatorët, kompania “Albavia” paraqiti ofertën më të ulët, por u skualifikua me argumentin se ka plotësuar gabim adresën e web të organit lëshues të dokumentit, që ka qenë portali “e-Albania”.

Këto hetime tregojnë edhe njëherë se kompania “5D”, me pronarë “de facto” Mariglen Qaton dhe Redi Mollën, është favorizuar nga Taulant Tusha për të përfituar tenderë./ CNA

Zbardhen mesazhet/ “5D” merr tenderin te Liqeni i Thatë,





Lajmet e fundit nga