web counter
LEXO PA REKLAMA!

SHKARKO APP

App Store
Google Play

Denoncimi i Këlliçit që shqetësoi “5D”-në/ Habitet punonjësja: S’e dija që ishin 5 drejtorë

1 Prill 2024, 09:29, Aktualitet CNA
Denoncimi i Këlliçit që shqetësoi
Fotomontazh

Drejtorët, të cilët punonin pranë institucioneve vartëse të Bashkisë së Tiranës, e kishin mendjen “e fjetur”, edhe kur kanë abuzuar haptazi me postet që mbanin. Ata vijonin të drejtonin kompaninë “5D Konstruksion” dhe paralelisht hapnin edhe mbyllnin procedura prokurimi të institucioneve shtetërore, që ata drejtonin, dhe më pas fituese shpallnin kompaninë e tyre “5D”, duke u zhvatur kështu miliona euro qytetarëve të Tiranës. Vjedhjet shtoheshin dita-ditës dhe drejtorët kishin bindjen që aferat e tyre do zbuloheshin vonë, në mos kurrë.

Në 24 prill 2023, asokohe kandidati për Bashkinë e Tiranës, Belind Këlliçi, e kallëzoi këtë kompani pranë Prokurorisë së Posaçme. Ky denoncim duket se i ka shqetësuar jo pak punonjësit e “5D”-së.

Në dosjen e siguruar nga CNA, SPAK-u ka zbardhur biseda mes punonjësve, të cilat janë regjistruar pikërisht në ditën kur është bërë kallëzimi nga Këlliçi.

Denoncimi i Këlliçit që shqetësoi
Belind Këlliçi

Jonida Hoxhaj, ekonomiste, njëherësh shefe e financave të shoqërisë “5D”, e cila siç zbardhet në dosje, rezulton se ka pasur komunikime të drejtpërdrejta me Redi Mollën dhe Mariglen Qaton, të cilët janë edhe drejtorët e Bashkisë Tiranë, që njëkohësisht drejtonin kompaninë “5D”, teksa mbanin poste publike.

Hoxhaj gjithashtu ka pasur një bisedë me Manjola Bungurin, një tjetër punonjëse pranë kësaj shoqërie, me të cilën ka biseduar pasi afera u bë publike në media nga Këlliçi.

Edhe pse dy punonjëset thonë se Këlliçi nuk ka mjaftueshëm informacion, pasi ka ende emra zyrtarësh të papërmendur, sërish ato pranojnë se nuk kishin dijeni që në “5D Konstruksion” ishin të përfshirë 5 drejtorë.

Denoncimi i Këlliçit që shqetësoi
Bashkia e Tiranës

Ndër të tjera në dosjen e SPAK-ut thuhet:

“Në datën 26.04.2023 shtetasja Manjola Bunguri i dërgon në sms një link shtetases Jonida Hoxhaj. Linku ishte denoncimi publik që kishte bërë shtetasi Belind Këlliçi për kompaninë ‘5D’. Midis tyre zhvillohet biseda si më poshtë:

Manjola: link ‘Syri TV’ on ‘Instagram’ Kandidati i koalicionit ‘Bashkë Fitojmë’, Belind Këlliçi denoncon skemën ….

Jonida: Manjola he mi… uaaa ca d...  ky

Manjola: Unë se dija që ishin 5... E dija 3... Po si i ka gjet të gjitha?

Jonida: Ky është d... ...le të bëjë gam gam kot.

Manjola: Të gjithë të PD kot janë… S ’kanë një tamam… Po më bëri përshtypje si i din.

Jonida: Po ca di ky i... ai s’figuron në asnjë vend.”

Vetë Këlliçi, në një dalje të fundit për mediat, pas arrestimit të drejtorëve, theksoi se në 26 prill 2023, në cilësinë e kandidatit për Bashkinë Tiranë, bëri publike skemën e plotë të korrupsionit në Bashkinë Tiranë përmes kompanisë “5D Konstruksion.

Vetëm një ditë më pas, më 27 prill, Prokurori Klodian Braho regjistroi kallëzimin penal kryesisht për 5 drejtorët e Erion Veliajt. Po atë mbrëmje të datës 27 prill 2023, Erion Veliaj së bashku me drejtorët e tij në bashki, në një dalje për mediat, mohoi akuzat e Këlliçit duke i cilësuar të pabaza, akuza të cilat tashmë janë faktuar katërcipërisht edhe nga organi i akuzës./ CNA





Lajmet e fundit nga