Blloku i "nxirë" nga shifrat marrëmendëse/ Si i përfitoi drejtori i Veliajt rreth 1 milion euro

31 Mars 2024, 10:11, Aktualitet CNA

Blloku i "nxirë" nga shifrat marrëmendëse/ Si i

Kryebashkiaku Erion Veliaj

CNA ka zbardhur dosjen hetimore të drejtorëve të Erion Veliajt, tashmë të arrestuar, Mariglen Qaton, Redi Molla dhe Taulant Tushe.

Detajet të tjera kanë dalë nga skema e vjedhjes e pronarëve të "5D", drejtorëve të Veliajt, e zbardhur nga SPAK.

Drejtorët e Veliajt mblidhen te Sheratoni/ Çfarë u gjet në bllokun e shënimeve të sekuestruar nga SPAK
31 Mars, 09:28
Drejtorët e Veliajt bëjnë “kërdinë”/ Në 5 vite fituan 13 procedura prokurimi nga bashkia dhe 10 nga UKT
31 Mars, 08:32

Gjatë kontrolleve është sekuestruar blloku i shënimeve i Nestor Muhametllarit, i cili përmban pagesa të ndryshme për punët e 5D, kontrata publike të fituara nëpërmjet procedurave të prokurimit dhe shpenzimet e kompanisë.

“Gjatë kontrollit të ushtruar në banesën e shtetasit Nestor Muhametllari është gjetur dhe sekuestruar një bllok shënimesh, me ngjyrë të zezë, me mbishkrimin "Notes", i cili përmban një sërë shënimesh të bëra nga shtetasi Nestor Muhametllari. Në këtë bllok janë mbajtur shënime nga shtetasi Nestor Muhametllari që iu referohet pagesave të ndryshme për punët e shoqërisë, për kontrata publike të fituara nëpërmjet procedurave të prokurimit, si dhe për shpenzime të shoqërisë. Në shënimet e mbajtura bëhet fjalë për shuma monetare që janë paguar apo që janë marrë, që janë kthyer, duke iu referuar personave të shkruar me emrin (R) dhe me emrin (M)”, thuhet në dosje.

Konkretisht, janë gjetur shënimet si më poshtë:

Shifrat e zbardhura në dosje

Po ashtu një tjetër bllok shënimesh është gjetur në zyrën e Nestor Muhametllarit me shumat e përfituara nga Redi Molla dhe Mariglen Qato.

Të ardhurat për fitim

Pra në këto shënime është pasqyruar fakti se personi me emrin (R) ka marrë shumën prej 11.000.000 lekë nga fitimi i realizuar në vitin 2018, ndërsa personi me emrin (M) ka marrë shumën prej 4.000.000 lekë, nga fitimi i realizuar në vitin 2018.

Në të njëjtin bllok shënimesh që i është sekuestruar shtetasit Nestor Muhametllari, janë gjetur gjithashtu shënimet si më poshtë:

Perllogaritjet

Blloku i "nxirë" nga shifrat marrëmendëse/ Si i

"Nga përmbajtja e këtyre shënimeve konstatohet se i është kthyer (R) shuma prej 32.500.000 lekë. shumë e cila është zbritur nga shuma totale prej 134,810,000 lekë. Shuma që përshkruhet se është kthyer, prej 32,500,000 lekë, është e përafërt me shumën prej 31.505.177 lekë e cila është shuma neto e dividentit të shpërndarë nga shoqëria "51) Konstruksion" sh.p.k me vendimin e asamblesë së shoqërisë të datës 30.06.2020. në kohën që ortak i vetëm i shoqërisë ishte shtetasi Muhamet Petriti.

Nga shënimet kuptohet, nga zbritja e shumës totale nga llogaria, kupton faktin që kjo shumë i është kthyer personit të shënuar me emrin (R).

Nga përmbajtja e shënimeve të mësipërme konstatohet se shuma prej 7,782,027 lekë me përshkrimin "kthyer divident”, është e njëjtë me shumën e dividentit të ndarë nga shoqëria në vitin 2019. në kohën që ortak i vetëm i shoqërisë ishte shtetasi Muhamet Petriti. Sipas shënimeve kjo shumë është zbritur nga shuma totale prej 102.310,000 lekë dhe llogaria për (R) është zbritur në shumën përfundimtare 94.527.973 lekë. Pra, nga shënimet kuptohet se shuma e dividentit i është kthyer personit të shënuar me emrin (R)", thuhet në dosjen e siguruar nga CNA.

Pra sipas shënimeve në bllok bëhen përllogaritjet e parave të përfituara ndër vite nga personi R. Një shumë që arrin në vlerën mbi 1 milion euro./ CNA