web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, mesazh Veliajt: Prit arrestimin e shtabit elektoral të zgjedhjeve të 14 Majit

30 Mars 2024, 16:27, Aktualitet CNA

Këlliçi, mesazh Veliajt: Prit arrestimin e shtabit elektoral të

Drejtuesi politik i PD-së për Tiranën, Belind Këlliçi ka dalë sot në një deklaratë për mediat për të folur për dosjen 5D dhe arrestimet e drejtorëve të Bashkisë Tiranë.

Këlliçi i ka përcejllë mesazhin kryebashkiakut Veliaj duke i thënë që bën mirë të qetësohet dhe të mos e harxhojë penën duke u shkruajtur drejtorëve të tij hajdutë deklaratat e mbrojtjes pasi i futi në burg për të shpëtuar lëkurën e tij.

Anëtari i Kryesisë është shprehur se Veliaj bën mirë të heshtë dhe të presë arrestimin e plotë të shtabit elektoral të zgjedhjeve të 14 Majit.

“Sqarojmë opinionin publik dhe qytetarët e Tiranës se për këtë denoncim, Mariglen Qato më bëri padi për shpifje në Gjykatën Penale Tiranë dhe nuk u paraqit kurrë në seancë, për shkak se padia i duhej vetëm Erionit për gënjeshtrën e radhës në fushatë.

Erioni, ky idhtar i madh i drejtësisë së re, që jep leksione se drejtësia nuk bëhet më nëpër studio televizive por nga organet kompetente, bën mirë të qetësohet e të mos e harxhojë më penën duke u shkruajtur drejtorëve të tij hajdutë deklaratat e mbrojtjes, fill pasi i futi në burg për të shpëtuar lëkurën e tij.

Deklaratat patetike se drejtësia e re e hartuar nga vetë Erioni dhe Rilindja e Edi Ramës, na qënkërka shantazhuar nga unë, janë sa qesharake po aq dhe pa vlerë. Erion Veliaj bën mirë të heshtë dhe të presë arrestimin e plotë të shtabit elektoral të zgjedhjeve të 14 Majit, e në fund bën mirë që të presë me buzëqeshje deklaratën që vetë Edi Rama, shumë shpejtë do të shkruajë për të.

Sa i përket hetimeve të SPAK-ut, arrestimet e 5 drejtorëve të deritanishëm nuk janë drejtësi e plotë, nëse nuk do të ndiqen paratë, nëse nuk sekuestrohen asetet e këtyre individëve dhe kompanive të lidhura me ta, duke i kthyer përfundimisht të gjitha paratë e vjedhura prej tyre në buxhetin e shtetit, në të mirë të taksapaguesve shqiptarë”, tha Këlliçi./ CNA

 

 





Lajmet e fundit nga