web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Bashkia e Tiranës në kolaps, paralizohet puna pas arrestimeve

29 Mars 2024, 18:58, Denoncim CNA
Denoncimi: Bashkia e Tiranës në kolaps, paralizohet puna pas
Bashkia e Tiranës

Bashkia e Tiranës ka hyrë në kolaps pas arrestimeve të fundit të drejtorëve të Erion Veliajt, me urdhër të SPAK-ut.

Këtë e bëri të ditur drejtuesi i PD-së për Tiranën, Belind Këlliçi, i cili tha se të gjitha drejtoritë në Bashkinë e Tiranës janë të paralizuara.

Në një intervistë me gazetaren Ina Qirjo, ai deklaroi se askush nuk pranon të punojë për shkak se nuk duan të shkojnë në burg për kryebashkiakun Erion Veliaj.

“Më bëri përshtypje, unë nuk e kam ndjekur takimin e Veliajt sot në Asamblenë e Tiranës, por mesa duket tenton të shesë një normalitet, i cili është fals. Sot që ne flasim, të gjitha drejtoritë në Bashkinë e Tiranës janë të paralizuara për shkak se askush nuk pranon më të bëjë burgun për Erion Veliaj. Këtë informacion e kam nga Bashkia e Tiranës.

Sot që ne flasim, Bashkia e Tiranës konsiderohet si institucioni më i korruptuar në Shqipëri e më gjerë. Por edhe aty… padiskutim nuk mund t’i fus të gjithë në një thes. Edhe aty ka individë të ndershëm, edhe aty ka punonjës të ndershëm, që sigurisht nuk duan të marrin koston dhe nuk duan të rrezikojnë karrierën e tyre, apo të rrezikojnë dhe lirinë e tyre për shkak të perfitimeve të titullarëve të tyre dhe kreut të Bashkisë Tiranë, që quhet Erion Veliaj”, theksoi Këlliçi./ CNA





Lajmet e fundit nga