web counter
LEXO PA REKLAMA!

SHKARKO APP

App Store
Google Play

E fundit!

x

Drejtorët pas hekurave për aferat, Veliaj tenton të shpëtojë lëkurën

29 Mars 2024, 18:00, Denoncim CNA
Drejtorët pas hekurave për aferat, Veliaj tenton të
Erion Veliaj

Drejtuesi i PD-së për Tiranën, Belind Këlliçi, foli për arrestimet e drejtorëve të Bashkisë së Tiranës me urdhër të SPAK-ut.

Këlliçi tha në një intervistë me Ina Qirjo drejtorët e dosjes 5 D, që ranë në pranga ishin drejtuesit e fushatës elektorale të Erion Veliajt në zgjedhjet e 14 majit 2023.

Ai deklaroi se Taulant Tusha ka qenë shefi i shtabit.

Ish-deputeti denoncoi se Veliaj po tenton të shpëtojë veten nga korrupsioni me kompaninë 5 D, ndërsa ngriti akuzat se kryebashkiaku i Tiranës ka qenë në dijeni të gjithçkaje.

“Kompania 5D ishte në duart e disa drejtorëve, që jepnin tendera tek familjarët e tyre. Kur e mora informacionin ishte në kufijtë e të pabesueshmes. Bazuar në deklaratën time të kryetarit të PD në Tiranë, SPAK ka nisur hetimet. SPAK sot ka vepruar pjesërisht. Kjo është një tjetër lëvizje e Veliajt që të shpëtojë lëkurën. Unë kam bërë dhe kallëzime të tjera. Kam denoncuar zinxhirin drejtues të Bashkisë Tiranë. Këta janë dhe drejtuesit e fushatës elektorale të Veliajt më 14 maj 2023. Shefi i shtabit ka qenë Taulant Tusha.

Si ka mundësi që Veliaj nuk di asgjë se çfarë bëhet në bashki? Këtë fabul askush nuk mund ta besojë. Sot që ne flasim Bashkia Tiranë cilësohet institucioni më i korruptuar në Shqipëri, por edhe aty ka individë të ndershëm. SPAK do bënte mirë që siç ka vepruar me drejtorin e ARRSH, të veprojë dhe në këtë rast. SPAK të sekuestrojë të gjitha pasuritë e paligjshme. I njëjti standard duhet edhe për titullarët e Bashkisë së Tiranës. Kanë bërë hotel 15 milionë euro me rroga 800 mijë lekë të vjetra? Prandaj ikin qytetarët, sepse këtu bëhet hataja me vjedhje”, u shpreh Këlliçi./ CNA





Lajmet e fundit nga