web counter
LEXO PA REKLAMA!

SHKARKO APP

App Store
Google Play

E fundit!

x

“Do ta mbyllim apo doni dru”/ Si “5D” u paracaktua fituese për “Tirana Parking”, u skualifikuan konkurrentët

1 Prill 2024, 13:13, Aktualitet CNA
“Do ta mbyllim apo doni dru”/ Si “5D” u paracaktua
Tirana Parking

CNA, ditë pas ditë po sjell zbardhje nga dosja e SPAK-ut, e cila hedh dritë mbi aferën e drejtorëve në institucionet vartëse të Bashkisë së Tiranës, të cilët nëpërmjet kompanisë së tyre “5D Konstruksion", kanë bërë të mundur që tenderçt në institucionet publike t’i kalonin “5D”-së, shpesh duke skualifikuar oferta më të mira nga shoqëri të tjera konkurrente.

Një rast i tillë flagrant, i zbuluar në dosjen e SPAK-ut, ka të bëjë me tenderin e "Tirana Parking", ku është skualifikuar çdo shoqëri tjetër (si "Ndregjoni" sh.p.k., "Kejvin Konstruksion", apo "Shpresa Al") për të ngelur në finale “5D Konstruksion".

Në dosjen e SPAK-ut evidentohet biseda e kryer mes administratorit në letra të “5D Konstruksion", Nestor Muhametllari, dhe drejtoreshës së “Tirana Parking”, Eglantina Zere, për tenderin në fjalë. Zere, në bashkëbisedim e sipër, i ka thënë me humor Muhametllarit ,“do ta mbyllim apo doni dru”, ndërsa Muhametllari i përgjigjet që ky tender është çështje e ezauruar.

Pjesë nga dosja e SPAK-ut, e bisedës mes Muhametllarit, Zeres dhe punonjës të tjerë të “5D”.

“Biseda e datës 23.09.2019.

Nestor: "O Manjola nga ajo lista që më dërgove ti nga TP, vetëm Ndregjoni dhe Turja ka ngelur se të tjerët kishin ngatërruar ofertën...... Këto duhen pa, kur ta kesh mundësinë ti..... Letrat e atyre ia kam lënë Sabrinës në USB".

Manjola: "Pa merak, ia shikoj unë”.

Biseda e datës 24.09.2019.

Manjola: "Nestori Ndregjonit i gjeta plot mangësi... Se këtë kisha marak".

Nestori: "Aaaaaa shumë mirë... Shyqyr se atë kisha merak".

Manjola: "Kur të jetë sabrina në zyrë...qe t'ia them... që t'i shkruaj”.

Biseda e datës 26.9.2019.

Manjola: "Nestori janë gati skualif nesër në 9..... Më vonoj kevin konst.... Se i kishte shumë të mira letrat.... Kurse Turja kishte plot mangësi (shënim: OE Kejvin Konstruksion sh.p.k. rezulton është operatori që ka pasur ofertën më të ulët 10,000,000 lekë).

Biseda e datës 28.9.2019

Nestori: "O Manjola taksirat e ke të shofësh edhe shpresa.al se nuk po i japin dot drejtim....Për të hënën na duhet, se dje nuk e mbyllëm dot".

Manjola: "Ok pa merak. Të m'i sjellë kur të dojë Sabrina".

Biseda e datës 24.09.2019.

Eglantina: "Ç'bën mo... Do ta mbyllim apo doni dru".

Nestori: "Ia kam dhënë Manjolës, deri nesër mbyllet.

Biseda e datës 30.09.2019.

Nestori: "Të vazhdoj Kico?.. të mbyll?"

Eglantina: "Ta kish mbyll që të premten kafsha, urgjent".

Biseda e datës 04.10.2019.

Eglantina: "Mjes lal" dhe i dërgon disa foto.

Nestori: "Te gjitha faqet e ankese mi dergove? Ok. se do e shofim ne sor". (shënim: Nestori këtë foto ia dërgon Manjolës, siç është referuar në komunikimet më sipër).

Biseda e datës 28.10.2019.

Eglantina: "Eshte hedhur njoftimi fituesit laf", "Besoj sot e shpall app e te ecim para".

Biseda e datës 30.10.2019.

Eglantina i dërgon Nestorit tekstin me përmbajtjen: "Ështe publikuar Nj.F në sistem", më pas i shkruan: "Ecim tani,,, ta gëzosh":"

Nestori: Thank you "jeni të paparë".”

SPAK evidenton se komunikimet dhe bisedat e mësipërme, të zhvilluara në kontekstin kohor të zhvillimit të procedurës së prokurimit objekt procedimi, dëshmojnë faktin se bashkimi i operatorëve ekonomikë "V.A.S Konstruksion" sh.p.k. dhe "Rroku Guest" sh.p.k. është favorizuar në këtë procedurë prokurimi nga vetë Eglantina Zere, drejtoresha e “Tirana Parking”./ CNA





Lajmet e fundit nga