web counter
LEXO PA REKLAMA!

SHKARKO APP

App Store
Google Play

E fundit!

x

Rama shtron darkën e Iftarit: Përulje para shembujve shpirtërorë

8 Prill 2024, 19:39, Aktualitet CNA
Rama shtron darkën e Iftarit: Përulje para shembujve
Darka e Iftarit e shtruar nga Kryeministri Rama

Kryeministri Edi Rama Rama ka shtruar mbrëmjen e sotme darkën e Iftarit.

Në fjalën e tij, Rama thas e mezi kishte pritur të ofronte këtë Iftar.

“Mezi prita ta shtoja këtë Iftar, ku sofra do të ketë frymën e një mbrëmjeje, ku sofra nuk na mbledh për gjuhën e të përditshmes sonë, por se sot na bashkon ndjesia e përkatësisë së dickaje të njëjtë.

Vakti i Iftarit ëhtë një ndarje buke mes më të fortëve, atyre që duke agjëruar mposhtën dëshirën e fortë të të ushqyerit.

Unë e gjej veten tek më pak të fortët. Për këdo që nuk vjen në këtë sofër nga kërkesat e lutjes, pjesëmarrja në Iftar është një përulje para shembujve shpirtërorë.

Të qënit të ndryshëm në fe, nuk na ka bërë të ndryshëm nga njëri-tjetri.”, tha Rama.

Gjithashtu, kryeministri tregoi edhe një detaj për rëndësinë e shtrimit të Iftarit:

“Ka zëra që më vijnë çdo vit në vesh për të hequr dorë nga kjo traditë, përgjithësisht nga njerëzit përtacë, që shohin vetëm fetë e të tjerëve që iu shfaqen në pasqyrat e celularëve.

Shumica nuk janë zëra dashakeqës ndaj Islamit.

Por unë e kam mësuar siç duhet se çdo të thotë një Ramazan më shumë, apo një Iftar më pak.”/ CNA





Lajmet e fundit nga