web counter
LEXO PA REKLAMA!

SHKARKO APP

App Store
Google Play

Mbahuni trimat e lalit!

1 Prill 2024, 10:16, Editorial CNA
Mbahuni trimat e lalit!
Mariglen Qato, Erion Veliaj, Redi Molla, dhe Taulant Tushe

Pas një vendimi gjykate, policia zbatoi urdhrat për të arrestuar rreth nëntë drejtorë të Bashkisë së Tiranës, së bashku me Taulant Tushën, e cili ka urdhër-arrestin e dytë. 

Burrat e bashkisë dhe drejtorët e saj, por edhe zonjat, po shkojnë drejt burgut, disa me "arrest shtëpie" të ndihmuar nga gjykata, të tjerët të provuar me fakte dokumente, të cilat janë thjesht dhe vetëm pjesa e parë e asaj që SPAK-u ka çuar në gjykatë, sepse hetimi është më i gjatë dhe më i thellë, ka fakte dhe prova edhe më tronditëse dhe jo vetëm për ta, por edhe për të tjerë drejtorë, të përfshirë në skema përfitimesh, fondesh, tenderësh, të fshehur pas kompanive të ndryshme në emra të tjerë.

Drejtorët e Bashkisë Tiranë hajdute dhe drejtues fushatash

Ka dyshime të forta se fonde të shumta siguruar nga korrupsioni janë përdorur për të blerë vota. Por më shumë sesa histori politike është një histori korrupsioni hajdutësh e grupit kryesor të njerëzve në krah të kryebashkiakut Erion Veliaj, individëve, të cilët janë përgjegjës përpara ligjit për abuzimet me tenderët, vjedhjet, por edhe përfitime fondesh për të siguruar, bujtina, hotele, investime, vila, apartamente, e kështu me radhë.

Drejtorët e Veliajt rrezikojne dhjetra vite burg dhe sekuestrim te pasurive

Taulant Tusha tashmë është me dy akuza, rrezikon mbi 10 vite burg, njëra lidhet me çështjen e inceneratorëve, tjetra lidhet me aferën “5D”. Te të dyja janë të provuara përgjegjësitë. 

I dyti në radhë është Mariglen Qato, në akuzë më parë nga prokuroria në çështje të mbyllura shpejt e shpejt, tashmë Qato arrestohet për dosjen "5D". 

Edhe ky nën hetim nga SPAK-u për çështjen e inceneratorëve dhe ndaj tij pritet një akuzë e dytë. Qato rrezikon të paktën 10 vite burg. Pastaj bashkimet e gjykimeve, gjykimet e shkurtuara e të tjerë mund t’u japin të tjera shanse drejtorëve hajdutë të Erion Veliajt. 

Pasuritë dhjetra milionë euro

Nga ana tjetër, janë një grup tjetër drejtorësh, të cilët janë bërë të pasur me shpejtësi skëterrë.

Rasti i Red Mollës, siç është rasti i Tivarit, siç është Kacidhja e të tjerë me radhë, drejtorë dhe drejtues të Bashkisë së Tiranës, që fshihen, siç e theksuam edhe më lart, pas subjektesh, biznesesh, tenderësh, urdhrash të zbatuar për përfitime korruptive, por ajo që duhet të bëjnë burrat e lali Erit që i mbajtën krahun, është thjesht dhe vetëm të mbahen, të mbahen duke pritur dënimet e tyre shumëvjeçare.

Duke pritur që SPAK-u t'ju sekuestrojë pasuritë dhe paratë t’ua kthejë shqiptarëve ose të bashkëpunojnë me drejtësinë, kush u kanë dhënë urdhrat?

Kush i ka shpikur skemat? Kush është pronari faktik i kompanive të tyre, ashtu siç është pronari faktik i inceneratorit të Tiranës?!

Kush qëndron pas drejtorëve të korruptuar në Bashkinë Tiranë? 

Ata duhet të mbahen, ose duke pranuar pafundësisht burgun, humbjen e pasurisë dhe gjithçka kanë, duke lënë familjet e tyre pa bashkëshortë, pa prindër për shumë vite, sepse duhet të vuajnë vjedhjet dhe abuzimet ose të bashkëpunojnë me drejtësinë për të çuar përpara saj, njeriun kryesor të gjithë kësaj skeme korruptive ndërtuar në Bashkinë e Tiranës, pronarin faktik që dhe te kompania “5D” është shefi i vërtetë i tyre. Ata janë thjesht dhe vetëm zbatues të skemës, përfitues të vegjël të saj.

Dikush tjetër është pronari faktik, personi i vërtetë përgjegjës për gjithçka ka ndodhur në aferën e inceneratorëve me skemën “5D”, me subjektet e ndryshme, me përfitimet nga fondet e Bashkimit Evropian, me vilat, bujtinat, ndërtimet, kontratat koncesionare të rinovuara për të përfituar 60 milionë euro, e kështu me radhë. 

Ndaj koha është që ata burra të mbahen dhe shumë shpejt të na tregojnë dhe të provojnë, të dëshmojnë, se kush është pronari i vërtetë i gjithë skemave që ata janë përfshirë, që ata kanë zbatuar për të përfituar miliona e miliona euro./CNA 





Lajmet e fundit nga