web counter
LEXO PA REKLAMA!

SHKARKO APP

App Store
Google Play

Fletëthirrja nga SPAK-u/ "Kërcen" Veliaj nga belaja

6 Prill 2024, 13:23, Politikë CNA
Fletëthirrja nga SPAK-u/ "Kërcen" Veliaj nga belaja
Erion Veliaj

Erion Veliaj po "kërcen" nga belaja. Sa herë del, jep versione të ndryshme. Njëherë i mohon drejtorët, pastaj pranon 1 ose dy, pastaj thotë disa.

Më tej i quan bashkëpunëtorë, më pas thotë s’kishte si ta dinte që ishin hajdutë, pastaj thotë kanë bërë punë të mira. Më pas u vërsulet mediave, kur në fakt 80% e tyre as u morën me drejtorët hajdutë dhe Erion Veliajn.

Më pas e quan thjesht akuzë pa vendim gjykate, megjithëse masat e sigurisë janë të gjitha me vendim gjykate. Sulmon Saliun, Liken, Belon që të thotë është politike, më pas thotë SPAK-u.

Diku i lëpihet Ramës, më pas i lëshon kode kërcënimi. Diku barazon vetën me Ramën, i fut dhe një barazim të drejtorëve me ministrat, megjithëse ai krahasohet maksimumi me kryebashkiakun e Lushnjës, Bulqizës apo edhe Durrësit. Ministrat janë kushtetues, drejtorët e Lalit janë hajdutë, që Veliaj duhet t’i kontrollonte, por prej gati një viti i mbron dhe i mban në detyrë.

Diku sulmon për akuzat ndaj drejtorëve e më pas i lutet Altin Dumanit. E pse të gjitha këto? Pse po "kërcen" lali Eri nga belaja?

Sepse i ka shkuar fletëthirrja nga SPAK-u dhe do pyetet për aferën 1 miliard euro të inceneratorëve, në të cilën ai me drejtorët e tij kanë firmosur një shtesë kontrate për dherat, është kryebashkiaku përgjegjës për monitorimin dhe mbarëvajtjen e investimit, që në fakt e ka mbrojtur, por që rezultoi hajdutëri masive qindra milionë euro.

Tani të gjithë janë më të qartë pse Erion Veliaj po "kërcen" nga belaja. Të paprekshmit që deklaronte se “kështu është kur drejtësia lihet në dorë të disave nga Kalaja e Dodës”, i duhet të flasë përpara prokurorëve për aferën 1 miliardëshe të inceneratorëve.

Po "kërcen" nga belaja Erion Veliaj sepse i ka shkuar drejtësia në derë, pasi i ka arrestuar bashkëpunëtorët kryesorë. Bela e madhe e ka gjetur./CNA 

 

 





Lajmet e fundit nga