web counter
LEXO PA REKLAMA!

SHKARKO APP

App Store
Google Play

Arrestimet e drejtorëve/ Veliaj sulmon mediat: Po bëhet gjueti shtrigash në portale dhe televizione

6 Prill 2024, 12:28, Politikë CNA
Arrestimet e drejtorëve/ Veliaj sulmon mediat: Po bëhet gjueti
Erion Veliaj

Kreu i Bashkisë së Tiranës, Erion Veliaj, në një deklaratë për mediat nga zyra e tij, u justifikua për dosjen "5D", ku pas hetimeve të SPAK-ut janë arrestuar një sërë drejtorësh të tij. 

Ai nuk hezitoi të sulmonte edhe mediat, të cilat kanë investiguar skandalet dhe skemat korruptive në Bashkinë Tiranë. Sipas Veliajt, mediat po bëjnë gjueti shtrigash dhe se ata që zënë kolltuqet mediatike mbrëmjeve, nuk kanë asnjë respekt për drejtësinë dhe qytetarët. 

"Nuk kam asnjë koment për vërtetësinë e akuzave, për shkallën e përfshirjes ose jo për secilin në aktivitetin e paligjshëm. Pafajësia apo fajësia e tyre është tagër i gjykatës. Kjo vijë e kuqe ma bën të pamundur futjen në debat për faktet me ata të cilët e shfrytëzojnë lirinë e fjalës në media për të bërë prokurorin, sigurimsin modern, apo inkuzitorin mesjetar, duke më përfshirë edhe mua në të dënuarit pa gjyq për ka ndodhur ose nuk ka ndodhur. Nëse për faketet e kam të pamundur të hyj në debat, do cenoja parimin e mosndëhyrjes në një çështje të drejtësisë. I ngre këto pyetje retorike, sepse në asnjë vend të botës nuk ndodh kjo gjueti shtrigash, në media e portale. Këta që zënë kolltuqet mediatike mbrëmjeve, nuk kanë asnjë respekt për drejtësinë dhe qytetarët. Nuk më vjen aspak mirë, që disa zyrtarë të rëndësishëm të kësaj bashkie janë të implikuar me punë të pista", u shpreh ai./CNA.

 

 





Lajmet e fundit nga