web counter
LEXO PA REKLAMA!

SHKARKO APP

App Store
Google Play

Meta sulmon Veliajn: Nuk po u jep qytetarëve banesat sociale, ja pse s'vepron SPAK-u

5 Prill 2024, 10:24, Politikë CNA
Meta sulmon Veliajn: Nuk po u jep qytetarëve banesat sociale, ja pse
Ilir Meta

Kreu i Partisë së Lirisë, Ilir Meta, në një tryezë për "Strehimin Social" hodhi akuza ndaj kreut të Bashkisë së Tiranës, Erion Veliaj, dhe zyrtarëve të tij. 

Meta theksoi se Bashkia "5D" nuk u ka marrë ndërtuese pjesë nga fondi 3% për banesat e gatshme, që duhet t'ua jepte qytetarëve në nevojë. 

Në lidhje me këto denoncime, Meta theksoi se SPAK-u ka mbyllur sqepin, pasi prokurorët e kësaj strukture kanë të afërm të punësuar në Bashkinë Tiranë që ka përfituar apartamente. 

"Kemi një fakt tjetër skandaloz që kompromenton rëndë, qeverinë aktuale dhe Bashkinë e '5D', është fondi 3% i banesave, pra që synon banesa të gatshme që duhet t'u merreshin ndërtuesve, të cilët marrin leje për sipërfaqen mbi 26 mijë metra katrorë për t'ua dhënë qytetarëve si banesa sociale dhe ky fond nuk është vendosur në dispozicion të qytetarëve, por ai është përdorur për të bërë pazare nga bashkia e '5D' dhe të ngjashmet e saj Rilindase në të gjithë vendin me ndëtuesit. Janë dhunuar qytetarët, janë nxjerrë jashtë nga banesat e tyre. Deri më vitin 2022 rreth 26 mijë metra katrorë, Bashkia e Veliajt duhet që t'i merrte këto te ndërtuesit. SPAK-u ka mbyllur sqepin për denoncimet. Ky denoncim është bërë në SPAK prej kohësh, por ngaqë prokurorët kanë të afërm atje të punësuar në Bashkinë e Tiranës e marrin apartamente si favore, e mbajnë këtë çështje të mbyllur. Bashkia e '5D'-ve ka bërë pazare me ndërtuesit. Ndërtimi kriminal po vret shëndetin e mijëra banorëve në kryeqytet", u shpreh Meta./CNA 





Lajmet e fundit nga