web counter
LEXO PA REKLAMA!

SHKARKO APP

App Store
Google Play

Amnistia Penale/ Manja, "dhëmbë për dhëmbë" me Alibeajn

4 Prill 2024, 11:01, Politikë CNA
Amnistia Penale/ Manja, "dhëmbë për dhëmbë"
Ministri Ulsi Manja

Deputeti i Lulzim Bashës, Enkelejd Alibeaj, hodhi akuza ndaj mazhorancës në lidhje me projektligjin e Amnistisë Penale.

Alibeaj tha se projektligji amniston zyrtarët e arrestuar nga SPAK-u.

“Me amnistinë që po bëni gati të votoni sot në heshtje. Sot, do jepet vota për t’u ulur dënimin 1 vit e gjysmë burrave, dy vite grave që janë dënuar nga drejtësia e re. Ky është testi i parë i hidhur i kësaj marrëveshjeje. Duhet të bëni transparencë duke e kthyer në Komisionin e Ligjeve. Këto janë testet që po i merr ky Parlament në fund, nën frikën e humbjes së mandatit dhe sidomos nën frikën e SPAK-ut. Nuk është gjë tjetër vetëm se amnisti nga SPAK-u”, u shpreh ai.

Një përgjigje të ashpër mori nga ministri i Drejtësisë, Ulsi Manja, i cili deklaroi se opozita po bën politikë me këtë çështje.

Manja deklaroi se amnistia nuk do të lirojë personat e korruptuar.

“E para, dua të përshëndes votimin e sotëm të futjes së projektligjit, që është në nder të parlamentit ta votojë. E dyta, zoti Alibeaj nuk duhet të bëni politikë me projektligjin, sepse është shumë komode të bësh politikë, ndërkohë që njerëz të dënuar nga drejtësia, që kushtetuta dhe ligji ua japin të drejtën të përfitojnë nga amnistia. Nuk duhet të vazhdoni të bëni politikë.

E treta, hapni sytë dhe lexoni ligjin se jeni dhe jurist. Asnjë i dënuar nga GJKKO-ja nuk përfiton, madje janë akomoduar dhe kërkesat e opozitës për protestuesit, jo siç e kërkuat ju 2018-2020. Kjo është e vërteta e kësaj amnistie. Kur të vijë radha për ta votuar nen për nen, ta marrin. Nuk jemi duke bërë ndonjë shpikje, zbritje dënimi, duke marrë në konsideratë të gjitha veprat që ndalohen. Po del 8 muaj në parlament sikur kemi bërë shpikje”, theksoi ministri./ CNA





Lajmet e fundit nga