web counter
LEXO PA REKLAMA!

SHKARKO APP

App Store
Google Play

E fundit!

x

Veliaj zhduk videon për drejtorët hajdutë, Xhaferri: SPAK-u ta hetojë!

4 Prill 2024, 12:06, Politikë CNA
Veliaj zhduk videon për drejtorët hajdutë, Xhaferri: SPAK-u ta
Erion Veliaj

Besard Xhaferri, kreu i FRPD-së, në një postim në rrjetet sociale, ka reaguar ndaj Erion Veliajt për arrestimet e drejtorëve të Bashkisë së Tiranës. 

Ai shprehet se është llahtarisur nga reagimi i Erion Veliajt, teksa u shpreh se organizata nuk rrënohet nga largimi i dy anëtarëve. 

Xhaferri nënvizon se Veliaj ka fshirë edhe videon në rrjetet sociale ku u justifikua për bashkëpunëtorët hajdutë. 

"Ndërkohë për ironi të fatit, ai mbreti i kasetave dhe lajmeve të gatshme, sot zhduku nga qarkullimi edhe videon e tij në rrjete sociale ku bëri reagimin, pasi e di shumë mirë se çdo fjalë dhe çdo pohim një ditë do të përdoret kundër tij", shprehet ai. 

Xhaferri thekson se nuk ka asnjë dyshim që Erion Veliaj ishte në dijeni të kësaj megaafere dhe ishte vetë në krye të saj.

Reagimi i plotë: 

Afera 5D dhe kaseta e munguar e Veliajt në televizione!
Nga leximi i dosjes 5D u llahtarisa nga lehtësia dhe babëzia me të cilën kishin vepruar 3 Muskotierët e korrupsionit të Erion Veliajt dhe shpura tjetër e drejtoreve të shndërruar në sipërmarrës me taksat tona të përbashkëta.
Sot u llahtarisa nga reagimi i Erion Veliajt, ku duke mos kursyer viktimizimin u shpreh se organizata nuk rrënohet nga largimi i dy anëtarëve, teksa u lut për ta që të provonin pafajësinë.
Ndërkohë për ironi të fatit, ai Mbreti i kasetave dhe lajmeve të gatshme sot zhduku nga qarkullimi edhe videon e tij në rrjete sociale ku bëri reagimin, pasi e di shumë mirë së çdo fjalë dhe çdo pohim një ditë do të përdorët kundër tij.
Nuk ka asnjë dyshim që Erion Veliaj ishte në dijeni të kësaj megaaferë dhe ishte vetë në krye të saj, ndaj insistoj që SPAK të jetë në lartësinë e detyrës dhe t'i bindet GJKKO që ja bëri të qartë se duhet hetuar roli i Erion Veliajt.
Sa për sukseset e tij të vjedhjes së buxhetit, betonizimit të qytetit, falimentimit të bizneseve të vogla, pastrimit të parave të krimit dhe korrupsionit me ndërtim, shtuarjen e trafikut dhe blerjes së votave, të jetë i sigurtë që ky vend, këto "suksese", nuk do ja fali KURRË!
Erdhi si Gaztor që martohej me paratë e mamasë pastruese dhe do iki si hajdut në burg! Legjenda e Mjaftit kapitulloi!/CNA 





Lajmet e fundit nga