web counter
LEXO PA REKLAMA!

SHKARKO APP

App Store
Google Play

E fundit!

x

Protesta për dorëheqjen e Veliajt, Xhaferri: Mosbindje civile deri në largimin e sektit vrastar

5 Prill 2024, 10:58, Politikë CNA
Protesta për dorëheqjen e Veliajt, Xhaferri: Mosbindje civile deri
Erion Veliaj

Kreu i FRPD-së, Besart Xhaferri, shprehet në një postim në rrjetet sociale se sot do të jenë në shesh për të kërkuar dorëheqjen e kreut të Bashkisë së Tiranës, Erion Veliaj, pas skandalit me dosjen "5D". 

Xhaferri thekson se asnjë motiv të vetëm nuk e kanë banorët e Tiranës që sot të mos jenë në sheshin para Bashkisë Tiranë kundër uzurpatorëve të qytetit tonë.

"Hynë në Bashki si Shoqëri Civile do dalin si Grup i Strukturuar Kriminal! Asnjë motiv të vetëm nuk e kanë banorët e Tiranës që sot të mos jenë në sheshin para Bashkisë Tiranë kundër uzurpatorëve të qytetit tonë. Tirana nuk mund të qeveriset më nga një hajdut i babëzitur që me shpurën e tij të G99 hynë në bashki si Shoqëri Civile dhe po dalin nga aty si grup i strukturuar kriminal. Sot në orën 11:00 të gjithë të jemi në shesh për veten, për familjen dhe për fëmijët tanë që kjo kastë mercenarësh kërkon t'i lërë kolateral të korrupsionit të tyre. Koha nuk pret, duhet mosbindje civile deri në largimin e sektit më vrastar që ka njohur Shqipëria!", shprehet ai. 

Protesta ishte paralajmëruar se do të niste në orën 11:00 para bashkisë, ku do të kërkohet dorëheqja urgjente e Erion Veliajt. Më pas, qytetarët do të zhvendosen para Prokurorisë së Posaçme për t’i njoftuar kërkesën.

Protesta është organizuar nga Aleanca për Mbrojtjen e Teatrit, ndërsa i janë bashkuar partitë opozitare dhe qytetarë./CNA 

Protesta për dorëheqjen e Veliajt, Xhaferri: Mosbindje civile deri





Lajmet e fundit nga