web counter
LEXO PA REKLAMA!

SHKARKO APP

App Store
Google Play

Veliaj, kryetari i drejtorëve hajdutë

1 Prill 2024, 10:49, Opinione CNA
Veliaj, kryetari i drejtorëve hajdutë
Erion Veliaj

Në 122 faqe vendim, GJKKO na tregoi se si SPAK-u kishte mundur të siguronte fakte dhe prova të pakontestueshme në lidhje me drejtorët e Bashkisë së Tiranës. 

Mesazhe, komunikime, të fshehura pas subjektit “5D”, por dhe jo vetëm, sepse nuk është i vetmi ky subjekt dhe nuk janë të vetëm këta drejtorë, ka dhe të tjerë të përfshirë, të cilët hyjnë në Komisionin e Vlerësimit të Ofertave, marrin tenderë, shpërndajnë, japin nënkontraktime, marrin fonde, ndërtojnë bujtina, pallate, vila, shpërndajnë investime e kështu me radhë.

Por ku qëndron ndryshimi mes ministrave të Edi Ramës që kanë rënë një nga një dhe drejtorëve të bashkisë. Në rast se Ramës do t'i kishin rënë të gjithë ministrat njëherësh siç i ka ndodhur Veliajt, kuptohet, qeveria do kishte rënë dhe të enjten e vendimeve, më 28 mars, ka rënë Bashkia e Tiranës, sepse gjithë zinxhiri komandues janë pas hekurave, përjashto Erion Veliajn, megjithëse ai u përpoq që t’i shiste si ish-drejtorë. 

Në fakt, ministria është një institucion kushtetues, ka disa drejtori, ka shumë firma, ka një përgjegjësi vertikale, e kështu me radhë. Ndërsa në bashki, drejtorët janë thjesht dhe vetëm vartës të emëruar nga kryebashkiaku, ku urdhrin e jep kryetari i bashkisë, komandën dhe firmën e bën ai dhe komplet bashkëpunëtorët e tij, duken qartazi se janë një grup kriminal që janë bashkëpunuar për të vjedhur fonde, për të marrë tenderë, për të ndryshuar garat, në mënyrë fiktive në komisionet e vlerësimit të ofertave dhe për të përfituar fonde të ndryshme edhe nga IPARD i BE-së. 

Ka një ndryshim thelbësor midis ministrit, qeverive dhe bashkisë, sepse në qoftë se qeveria ka kryeministrin dhe ka një vendim kolegjial, kryetari i bashkisë ka Këshillin Bashkiak dhe vendimet e dhëna dhe të marra për drejtorët nuk janë të Këshillit Bashkiak, por janë të kryetarit të bashkisë. 

Emërimet e drejtorëve janë të kryetarit të bashkisë dhe nuk janë drejtorët institucion kushtetues, por janë individë që bashkëpunojnë me kryetarin për zbatimin e projekteve dhe zhvillimin e zbatimin e detyrave.  

Veliaj, kryetari i drejtorëve hajdutë
Erion Veliaj

Detyrat e tyre i urdhëron kryetari. Ata emërohen dhe qarkullojnë nga kryetari siç ka ndodhur me Erion Veliajn në Bashkinë e Tiranës që i ka marrë sa në një institucion në tjetër në vartësi të tij duke i përdorur vartësit e tij si kamikazë edhe në fushatë elektorale, por edhe në Bashkinë e Tiranës, ku janë kapur të gjallë, duke abuzuar, duke vjedhur dhe shkelur ligjin. Ajo që ka gjetur SPAK-u është shumë pak. 

Pjesa që qytetarët njohin nëpërmjet vendimit të GJKKO-së, pasi ka shumë fakte dhe prova të tjera ende nën hetim.

E vërteta është se s’ndryshon shumë ministri nga kryetari i bashkisë, sepse përgjegjësia e kryetarit të bashkisë është direkte me drejtorët dhe vartësit që ka emëruar, të cilët Veliaj nuk i ka pasur thjesht drejtues të institucioneve në varësi, por njerëzit më të besuar, njerëzit që ka qarkulluar në disa drejtori, njerëzit me të cilët ka ndarë punë, pushtet, para dhe fushatat elektorale. Drejtorët e arrestuar janë njerëzit më kryesorë të Erion Veliajt.

Erion Veliajt i ka rënë Bashkia e Tiranës. Erion Veliajt i është vërtetuar se ka pasur një grup të strukturuar hajdutësh minimalisht, të korruptuarish që ndërtonin skema për të marrë fonde, për të marrë punë me dhjetëra miliona euro, pa folur për këto që nënkontraktonin, por për ato që merrnin në mënyrë direkte drejtorët e arrestuar dhe të tjerët nën hetim.

Me ardhjen e Veliajt në Bashkinë e Tiranës, ata nëpërmjet të afërmve të tyre kanë ndërtuar skema përfitimi me miliona euro, jo vetëm drejtorët nën akuzë, por edhe të tjerë, të cilët janë bërë pronarë hotelesh, ndërtues hotelesh, promarë bujtinash, ndërtues vilash e kështu me radhë, duke u kthyer nga zyrtarë të Bashkisë Tiranë në biznesmenë, në investitorë, deri strategjikë, thjesht dhe vetëm se ishin bashkëpunëtorët e Erion Veliajt.

Kryebashkiakut në detyrë të Tiranës, Erion Veliajt, i ka rënë bashkia. Është njësoj sikur Edi Ramës t’i binte qeveria, t’i arrestoheshin 9 ministra, çfarë do të ndodhte.

Veliaj, kryetari i drejtorëve hajdutë
Debarah Keçi, Mariglen Qato, Fatos Tushe dhe Redi Molla

Por Erion Veliaj ka zgjedhur të përçojë mesazh me tëmthin e tij, i cili ndoshta ishte e vetmja mundësi për t’u viktimizuar pas humbjes së tezës se zyrtarët e Bashkisë së Tiranës ishin thjeshtë ish-drejtorë të larguar nga puna, kur në fakt ata të gjithë janë funksionalë, të arrestuar, të ndaluar në detyrë.

Një tufë me hajdutë në krah të kryebashkiakut, të gjithë drejtorët e Erion Veliajt kanë rënë, i vetmi që mbahet në këmbë është kryebashkiaku, edhe ky i fundit nën hetim.

Veliaj shpreson se gjithçka do ta kalojë duke mbytur vartësit e tij, sepse mendon se askush prej tyre nuk do të bashkëpunojë me drejtësinë, por do të bëjë dhjetëra vite burg, do t’i sekuestrohet pasuria, do të braktisë gruan, familjen, fëmijët dhe gjithçka për Erion Veliajn, njeriun i cili në fakt është kryetari i drejtorëve hajdutë të kapur nga SPAK-u./CNA 





10:54 Opinione Lutfi Dervishi

Na pandehin tutkun

Në Shqipëri sporti më popullor nuk është futbolli, por...

Lajmet e fundit nga