web counter
LEXO PA REKLAMA!

SHKARKO APP

App Store
Google Play

E fundit!

x

Dinjiteti njerëzor i punësimit

25 Mars 2024, 19:44, Opinione Ervin Lera
Dinjiteti njerëzor i punësimit
Ervin Lera

Është e rëndësishme të pranohet se dinjiteti i çdo individi duhet të vlerësohet, pavarësisht nga statusi i tij i punësimit. Megjithatë, është gjithashtu thelbësore të sigurohet drejtësi dhe respekt për të gjithë punonjësit, përfshirë ata që janë ende duke punuar. Balancimi i këtyre konsideratave mund të jetë kompleks, por nxitja e një mjedisi ku të gjithë punonjësit trajtohen me dinjitet dhe respekt është thelbësore.

Para disa ditësh dhe në vijim, është duke u përfolur një dorëheqje e mundshme e Drejtorit të Përgjithshëm të RTSH, zotit Alfred Peza. Ashtu qoftë, nëse kjo hap një erë të re për zhvillimin dhe integrimin e RTSH, mes simotrave te veta ne EBU.

Para disa ditësh, zoti Erjon Braçe, denoncoi në një kanal social, rebelimin e vet kundër mosrespektimit të dinjitetit njerëzor të të shkarkuarve nga puna në RTSH.

Sipas një portali, është i panjohur për mua, zonja Ina Zhupa, ka deklaruar dorëheqjen e zotit Peza nga pozicioni i Drejtorit të Pergjithshëm të RTSH. Para se të vërtetohet ky lajm nga goja e zonjës Zhupa, le t’i kthehemi shqetësimit politik, social dhe kundërshtues ndër vete të zotit Braçe; Ai me shumë të drejtë legjislative shqetësohet për fatin e disa punonjësve të RTSH, të cilët sot janë të klasifikuar të papunë dhe, kjo shkakton një dramë sociale.

Nga ana tjetër, zotëria, permend edhe të vërtetën e paaftësisë së një apo shumë punonjësve të RTSH. Zoti Braçe është vetë një ish kryeredaktor, dhe kjo e bën te njohur me kriteret e punës së një gazetari, drejtuesi media apo menaxheri media; nga ana tjetër është edhe një rebel politik brenda llojit që i shërben komunitetit.

Unë e kam parë zotin Braçe edhe në një dalje publike ne jetën virtuale; çfarë përfituan fermerët dhe bujqit e zonës me më shumë traditë në historine e Shqipërisë, si këmbim?

Duke ju parë si personalitet mediatik zoti Braçe, pse nuk ngrini me gjithë pushtetin populist politik që keni një komision vlerërisimi profesional në të gjitha fushat për sa i përket një media, dhe të jeni ju ai, jo që kundërshtoni veten se në RTSH duhen hequr njerëz nga puna, por me dinjitet, dhe t’ i hiqni me guximin dhe pamëshirshmërinë profesionale.

Unë që po ju shkruaj jam një punonjës i RTSH, prej 10 vitesh, me pagë nën mesataren e të mesmes që deklaron qeveria e majtë e Partisë së zotit Braçe, dhe pranoj e vetëdeklarohem të jem i pari, që t’i nënshtrohem komisionit profesional të drejtuar nga zoti Braçe.

Por, a jam unë që ende vazhdoj të punoj në RTSH, zoti Braçe, i përulur dhe i gjunjëzuar në dinjitetin tim njerëzor, vetëm sepse përmbush detyrat e mia dhe vazhdoj punën e paguhem nga RTSH?

Sa për ju zonja Zhupa, pse kaq triumf për shkarkimin apo dorëheqjen, nëse është e vërtetë e një drejtori që po jul’u dredh leqet disa dhjetra-qindra punonjësve të RTSH? Vërtetë është kjo arritja politike e asaj që i premtoni elektoratit?

Rebelizmi i paguar në historinë e njerëzimit, i bën qëniet, mercenarë…





Lajmet e fundit nga