web counter
LEXO PA REKLAMA!

SHKARKO APP

App Store
Google Play

E fundit!

x

Alfred Peza zbraz zyrën/ Gati dorëheqja?!

25 Mars 2024, 16:59, Aktualitet CNA
Alfred Peza zbraz zyrën/ Gati dorëheqja?!
Fotomontazh - Alfred Peza, në sfond RTSH

Njeriu të cilin CNA e ka denoncuar edhe për pasurinë një milionë dollarëshe, edhe për bëmat dhe gjëmat e tij në krye të RTSH-së, ku filloi një furtunë të padrejtë shkarkimesh deri në profesionistë, njerëz me eksperiencë me disa dekada, në rolet kyçe të institucionit, por edhe duke prekur nënat e fëmijëve me autizëm.

Njeriu, i cili për shkak të bashkëpunimit me kreun e Këshillit Drejtues të RTSH-së, Leka Bungo, mundën që së bashku të ktheheshin në një dyshe shkatërrimtare për intitucionin. I pari nga mosha dhe padituria, i dyti nga grykësia.

RTSH-ja prej muajsh po trajtohet si lopë që milet nga Alfred Peza dhe Leka Bungo.

I pari kërkoi festival me 800 milionë lekë, më pas mori 600 milionë nga këshilli gjoja me justifikimin e normës së inflacionit. Pra, sipas Leka Bungos dhe Alfred Pezës, inflacioni ishte me shifra të frikshme një vit më parë dhe për këtë festivali duhet të kushtonte jo më pak se 600 milionë. Këto janë fakte me dokumente zyrtare.

Burime i thonë CNA-së se Alfred Peza ka bërë disa lëvizje në zyrën e tij, ka larguar disa piktura, por edhe disa sende personale. Nuk dihet nëse këto janë veprime për largim nga zyra, apo thjeshtë ndryshim orendish, pasi prej shumë individëve ka dyshime dhe thashetheme ende të pabesueshme se Alfred Peza ka dhënë dorëheqjen.

Kjo për faktin edhe se askush nuk ka parë një dokument zyrtar, pasi mënyra e vetme e largimit të Pezës është dorëheqja ose shkarkimi nga Këshilli Drejtues i RTSH-së.

Alfred Peza zbraz zyrën/ Gati dorëheqja?!
Alfred Peza

Këshilli nuk ka zhvilluar mbledhje, dorëheqje askush nuk ka parë, por lëvizjet e orendive në zyrë kanë nxitur thashetheme të mëdha në institucion se ai është larguar.

Në fakt, KLSH-ja është ulur këmbëkryq dhe ka gjetur jo pak fakte dhe dokumente në lidhje me veprimet, shkeljet ligjore dhe abuzimet e Alfred Pezës, por edhe Këshillit Drejtues, apo specifikisht kreut Leka Bungo, i cili ka justifikuar inflacionin me 10%, ndërkohë që ai zyrtarisht është në shifrat poshtë 4%.

Kjo diferencë është disa dhjetëra milionë lekë, të cilat dyshohet se janë abuzime me festivalin e RTSH-së, por kjo është vetëm një nga detajet.

CNA ka mundur të thellohet në investigime me disa shkresa zyrtare, fakte dhe dokumente të pakontestueshme, që nga kostot, rritja e tyre, organizimi i festivalit, por edhe në detaje të tjera që shkojnë të pagesat që RTSH duhet të marrë nga operatorët mediatikë, deri tek arredime, mobileri, etj. të cilat janë pjesë e investigimeve dhe po publikohen hap pas hapi.

Në fakt, deri tani ende nuk ka një njoftim zyrtar për një dorëheqje të mundshme të Pezës, por thjeshtë dhe vetëm informacione për lëvizje të orendive apo sendeve personale nga zyra, çka ka ngritur edhe dyshime.

Nuk mund të konfirmohet një dorëheqje ende pa parë dokumentin zyrtar, sepse këto mund të jenë lëvizje të Pezës dhe bashkëpunëtorëve të tij thjeshtë për të humbur gjurmët, apo për të krijuar qetësi dhe marrë pak kohë për të mbuluar zullumet në RTSH./ CNA





Lajmet e fundit nga