web counter
LEXO PA REKLAMA!

SHKARKO APP

App Store
Google Play

E fundit!

x

PD kërkon dëgjesë me Alfred Pezën për abuzimet me punonjësit në RTSH

19 Mars 2024, 14:33, Politikë CNA
PD kërkon dëgjesë me Alfred Pezën për abuzimet me
Alfred Peza

Deputetja e Partisë Demokratike, Ina Zhupa, kërkoi në Komisionin për Edukimin dhe Mjetet e Informimit Publik që të zhvillohet një dëgjesë me kreun e RTSH-së, Alfred Pezën, për shkarkime pa motivacion në këtë institucion. 

Ajo denoncoi Pezën se është vendosur në mënyrë të paligjshme në krye të RTSH-së dhe se duhet të japë llogari para shqiptarëve për drejtimin e institucionit, i cili paguhet nga taksat e shqiptarëve. 

Ajo kërkoi nga Kuvendi edhe raportin e monitorimit për zgjedhjen e drejtorit të Përgjithshëm të RTSH-së në këtë detyrë. 

"Së pari, lidhet me gjendjen katastrofale, gjendjen jashtëligjore dhe gjendjen jashtëzakonisht shumë të rënduar në Radio Televizionin Shqiptar. RTSH po funsksionon si një organizatë e strukturuar, ku kreu i saj, i cili është edhe i paligjshëm, Alfred Peza, pushon në mënyrë masive punonjësit që kanë nga 22 vite apo 30 vite pune në RTSH, pa asnjë motivacion, me motivacione ordinere të paligjshme dhe jonormale as në kushtet që paracakton Kodi i Punës. Ky është një problem që unë e kam ngritur mijëra herë, ia kam përplasur në fytyrë Alfred Pezës dhe kërkoj nga ky komision që të gjithë bashkë, socialistë dhe demokratë, të ruajmë taksat e shqiptarëve. Të ruajmë një institucion që e kemi në mbikëqyerje të Kuvendit. Ndaj si komision përgjegjës, unë kërkoj thirrjen në dëgjesë të zotit Peza, i cili është drejtor i paligjshëm. Duhet të sjellë raportin e monitorimit. Organet e Kuvendit që nuk kanë sjellë raportin e monitorimit për zgjedhjen e Drejtorit të Përgjithshëm. Të ngrihet një komision për shkarkimet nga puna të Pezës", u shpreh Zhupa./CNA

 





09:04 Politikë

Nasip Naço, në SPAK

Ish-ministri Nasip Naço është paraqitur mëngjesin e kësaj ...

Lajmet e fundit nga