web counter
LEXO PA REKLAMA!

SHKARKO APP

App Store
Google Play

E fundit!

x

Hyrje-daljet/ Ministria e Jashtme, njoftim me rëndësi për emigrantët shqiptarë

19 Mars 2024, 12:23, Politikë CNA
Hyrje-daljet/ Ministria e Jashtme, njoftim me rëndësi për
Foto ilustruese

Ministria e Jashtme shqiptare ka njoftuar se gjatë periudhës mars-dhjetor 2024 lejohet dalja dhe hyrja në Greqi e të gjithë personave që kanë një vërtetim të vlefshëm aplikimi për pajisje për herë të parë ose ripajisje me leje qëndrimi. 

Ndërkohë mund të lëvizin edhe të gjithë ata persona që kanë një vërtetim të vlefshëm të posaçëm të qëndrimit të ligjshëm.

"Nga ky vendim përfitojnë të gjithë shtetasit shqiptarë që janë në proces aplikimi për pajisje/ripajisje me leje qëndrimi dhe që posedojnë vërtetimin përkatës", saktësohet në njoftim. 

Njoftimi i plotë:

Pas komunikimeve të vazhdueshme të Ambasadës Shqiptare në Athinë me institucionet kompetente Greke, ju bëjmë me dije se:

Me Vendimin e publikuar në Fletoren Zyrtare të Qeverisë së Republikës Greke, sot, në datën 19 mars mbi "Daljen dhe rihyrjen e shtetasve të huaj të vendeve të treta me leje qëndrimi, afati i vlefshmërisë së të cilave ka përfunduar dhe të shtetasve të huaj të vendeve të treta që kanë aplikuar për pajisje me leje qëndrimi", përcaktohet se:
Gjatë periudhës 31 mars 2024 dhe 31 dhjetor 2024 lejohet dalja në një vend të tretë, jashtë shteteve anëtare të shengenit, dhe rihyrja e shtetasve të vendeve të treta që banojnë ligjërisht në Greqi, mbajtës të:
Një vërtetimi të vlefshëm aplikimi për pajisje për herë të parë ose ripajisje me leje qëndrimi, sipas neneve 10 dhe 11 të ligjit nr. 5038/2023 ose
Një vërtetimi të vlefshëm të posaçëm të qëndrimit të ligjshëm, sipas nenit 16 të ligjit nr. 5038/2023, me kusht që të dalin nga Greqia brenda periudhës së sipërpërmendur dhe të posedojnë pasaportë të vlefshme ose dokument tjetër udhëtimi të njohur nga Greqia.
Nga ky vendim përfitojnë të gjithë shtetasit shqiptarë që janë në proces aplikimi për pajisje/ripajisje me leje qëndrimi dhe që posedojnë vërtetimin përkatës./CNA 





09:04 Politikë

Nasip Naço, në SPAK

Ish-ministri Nasip Naço është paraqitur mëngjesin e kësaj ...

Lajmet e fundit nga