web counter
LEXO PA REKLAMA!

SHKARKO APP

App Store
Google Play

Luli i pazareve kritikon grupin e Berishës/ “Pse bëni pazare”

17 Mars 2024, 15:03, Politikë CNA
Luli i pazareve kritikon grupin e Berishës/ “Pse bëni
Lulzim Basha

Lulzim Basha i pazareve politike ka kritikuar grupin e Sali Berishës për marrëveshjen me mazhorancën që i hapi rrugë ngritjes së dy komisioneve dhe normalitetit në Parlament.

Duke bërë sikur ka harruar pazaret e tij, Luli tha se grupi i Berishës po e mbyll javën me një pazar.

Madje ai pranon hapur se është kundër pakteve politike, por dëshiron që ato të jenë sipas interesave të tij.

“Pakti apo pazari javës që po mbyllet, nuk është aq i pafajshëm apo qesharak siç duket. Është dhe qesharak, sepse të nisesh dhe t’u thuash demokratëve se do të rrëzojë Edi Ramën dhe të përfundosh me një komision që do të qortojë Ilir Beqjën, ndërkohë që prokurorët e SPAK-ut do ta marrin të pandehur nesër, kjo do të thotë të tallesh jo vetëm me demokratët, por me çdo shqiptar. U është bërë faqja shollë sepse nuk kanë interesat e shqiptarëve.

Dua të jem fare i qartë, unë nuk jam kundër bashkëpunimit në politikë, se përndryshe do të ishim enveristë. Vetëm enveristët dhe komunistët e shpallnin kundërshtarin armik për ta asgjësuar. Kjo pa diskutim është një kulturë post-enveriste e ngulitur thellë në Shqipëri. Kundërshtari politik në një situatë normale nuk është për t’u asgjësuar, është për të debatuar dhe për të fituar ideja më e mirë në favor të shqiptarëve. Prandaj dua ta përsëris edhe sot, nëse këta bajlozët 34-vjeçarë, edhe më të lashtë faktikisht, atëherë kur kishte vetëm një parti, do të ishin bashkuar për ta çliruar sistemin politik, për të thënë 'ok', boll më kështu se u bëmë gjyshër e stërgjyshër, t’ua kthejmë shqiptarëve atë që ua kemi marrë, në veçanti që ua kemi marrë nga 2008-ta. Sepse këta dy shkatërruan sistemin zgjedhor duke i mbyllur listat dhe duke u hequr shqiptarëve të drejtën për të çuar në parlament atë që duan shqiptarët e jo ata që duan kryetarët.

Pra, në qoftë se do të kishin rënë dakord për listat e hapura, në qoftë se do të kishin rënë dakord për vetting-un e politikanëve, në qoftë se do të kishin rënë dakord siç ua kam propozuar me shkrim në parlament për të hequr imunitetin e parlamentarëve, pra në qoftë se këta do të ishin bashkuar se i kanë thirrur mendjes me një ndjesi faji apo dhe ndjese ndaj shqiptarëve, pa diskutim do ta kisha përshëndetur. Dhe votat e deputetëve të Partisë Demokratike do të ishin aty për të mbështetur ndryshime të tilla. Por ky pazar, kjo marrëveshje, bëhen për interesat e tyre dhe jo vetëm jo për interesat e shqiptarëve, por kundër interesave të shqiptarëve”, theksoi Luli në një takim me të vetët./ CNA





Lajmet e fundit nga