E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

DENONCIMI: 5 drejtorët e Veliajt shpërblehen me leje ndërtimi, sfidojnë SPAK-un

16 Mars 2024, 14:02, Politikë CNA

DENONCIMI: 5 drejtorët e Veliajt shpërblehen me leje ndërtimi,

Bashkia Tiranë

Në një deklaratë për mediat nga selia blu, anëtari i Kryesisë së Partisë Demokratike, Belind Këlliçi deklaroi se 5 drejtorë të Bashkisë së Tioranës që kanë vjedhur përmes 45 tenderave shpërblehen nga Veliaj me leje ndërtimi dhe sfidojnë SPAK-un.

Këlliçi nënvizoi se sot bëhen plot 326 ditë nga momenti që ka depozituar në SPAK kallëzimin për 5 drejtorët e famshëm të Bashkisë Tiranë, por edhe pas kallëzimeve ata përfitojnë leje ndërtimi.

"Edhe pse të kallëzuar në SPAK për korrupsion, drejtorët e Bashkisë Tiranë, të udhëhequr nga pronari faktit i Inceneratorit të Tiranës Erion Veliaj, kanë vijuar të majmen me milionat e takspaguesve kryeqytetas, madje janë shpërblyer nga ky i fundit dhe me leje të reja ndërtimi, si mirënjohje për faktin se kanë pranuar të sfidojnë SPAK-un dhe t’i bëjnë karshillëk të ashtuquajturave organe të reja të drejtësisë", shprehet Këlliçi.

Deklarata e plotë:

Të nderuar qytetarë!

Sot bëhen plot 326 ditë nga momenti që kam depozituar në SPAK kallëzimin për 5 drejtorët e famshëm të Bashkisë Tiranë, të cilët përmes kompanisë 5D Konstruksion, me në krye famozin Mariglen Qato, kanë vjedhur në mënyrë flagrante miliona euro, përmes të paktën 45 tenderave të zhvilluar në bashki.

Edhe pse të kallëzuar në SPAK për korrupsion, drejtorët e Bashkisë Tiranë, të udhëhequr nga pronari faktit i Inceneratorit të Tiranës Erion Veliaj, kanë vijuar të majmen me milionat e takspaguesve kryeqytetas, madje janë shpërblyer nga ky i fundit dhe me leje të reja ndërtimi, si mirënjohje për faktin se kanë pranuar të sfidojnë SPAK-un dhe t’i bëjnë karshillëk të ashtuquajturave organe të reja të drejtësisë.

Sipas të gjitha informacioneve publike, edhe pse janë bastisur një sërë zyrash dhe apartamentesh të këtyre individëve, edhe pse janë sekuestruar telefonat celularë ku janë gjetur aplikacione komunikimi të dizenjuara posaçërisht për Bashkinë Tiranë dhe komunikimin e këtyre individëve me njëri tjetrin, SPAK sërish refuzon të ndërmarrë hapa ligjorë ndaj këtij grupi të strukturuar kriminal, me në krye pronarin faktit të Inceneratorit të Tiranës, Erion Veliajn.

Grupi i Ekspertëve pranë PD, garanton qytetarët se ne jemi të vendosur dhe më të motivuar se kurrë më parë, për të goditur zyrtarët e korruptuar në çdo nivel të administratës, lokale apo qëndrore. Arrestimet me autorizim apo regji të pushtetit, të Taulant Tushës dhe Evis Berberit, nuk mund t’i vënë kapak aferave korruptive qindra milionë euroshe të Qeverisë apo Bashkisë Tiranë.

Sot, Shqipëria është i vetmi vend në botë që ka paguar 130 milionë euro për një incenerator që nuk ekziston dhe ndërton rrugët me 30 milionë euro kilometrin. Për këto skandale korruptive të përmasave globale, Edi Rama është mjaftuar duke thënë se disa zyrtarë të tij, na paskan ngrënë mollë dhe dardha pas shpinës së kryeministrit.

Kjo papërgjegjshmëri ekstreme, kjo tallje me qytetarët dhe sistemin e drejtësisë duhet të marë fund një orë e më parë. Ndaj gjej sot sërish rastin t’i drejtoj një thirrje SPAK, për t’u pozicionuar aty ku i takon, krah interesit publik dhe në luftë pa kompromis me korrupsionin galopant të kësaj qeverie. Mos u bëni pjesë e luftës së klaneve të pushtetit dhe korrupsionit brenda Partisë Socialiste.

Shqiptarët nuk janë të interesuar se cili është klani më i fortë brënda mazhorancës dhe se kush kërkon të burgosë kë, brenda Partisë Socialiste. Shqiptarët duan drejtësi pa regji.

Rritja e rrogave dhe pensioneve, hapja e vendeve të reja të punës, rritja e investimeve të huaja në vend dhe integrimi ynë në Bashkimin Europian, do të ndodhë vetëm kur të kemi një drejtësi të vërtetë, të paanshme, një drejtësi e cila nuk burgos Kryetarin e Opozitës pa asnjë provë apo akuzë, por godet dhe dënon zyrtarët e korruptuar të cilët kanë detyruar mbi 1 milionë shqiptarë të marin rrugët e emigrimit në këto 10 vite.

Ndaj qeveria teknike dhe zgjedhjet e lira e të ndershme, janë e vetmja zgjidhje për vendin./CNA