E fundit!

09:54 Kosova & Bota

Europa përfshihet nga vala e të nxehtit, Italia në alarm me temperatura deri në 45°C

Një valë e fuqishme të nxehti ka përfshirë Italinë dhe...

Lul Basha, dështaku arrogant

14 Mars 2024, 19:01, Politikë CNA

Lulzim Basha

Lulzim Basha është njeriu që ka dështuar vit pas viti, betejë pas beteje dhe dërgoi Partinë Demokratike drejt humbjes dhe përçarjes.

Luli është njeriu që humbi çdo garë zgjedhore, dogji mandatet e deputetëve dhe në fund ndau të djathtën.

Ai mashtroi me një dorëheqje të padorëzuar në gjykatë dhe u rikthye në politikë për të rrëmbyer PD-në.

Por pavarësisht se zhgënjeu demokratët dhe përçau opozitën, Luli vijon të jetë një dështak arrogant.

Sot, i pyetur nga Zëri i Amerikës për gabimet e tij, Luli tha se për këtë çështje janë shteruar diskutimet.

Ai kërkon që të harrohen të gjitha bëmat e tij në krye të PD-së dhe të vijojë karrierën politike pa i përmendur të shkuarën e zezë.

“Në gjithë rastet që kam patur, së fundi edhe në Kuvendin Kombëtar të Partisë Demokratike, e kemi shteruar se çfarë është bërë gabim. Kurrë nuk duhet të kemi hezitim për të kërkuar ndjesë për atë që është bërë gabim, por e rëndësishme për shqiptarët është se çfarë ofrojmë ne sot. Pse ata duhet të drejtojnë sytë nga Partia Demokratike? Dhe unë ju them se ka dy arsye:

E para sepse ajo është e vetmja forcë politike, që ka hartuar një program të qenësishëm, jo parrulla elektorale, jo diçka për t’iu përgjigjur shijes apo kërkesave të momentit, por një program, i cili bazohet në një njohje të thellë të realitetit, të problemeve, që Shqipëria ka, si dhe të mundësive për t’u dhënë zgjidhje këtyre problemeve. Ky program është produkt i një ekipi ekspertësh, jo politikanësh, me asistencë nga ekspertë perëndimorë, evropianë dhe të SHBA-ve.

Arsyeja e dytë, të cilës po i afrohemi me shpejtësi; nuk jemi ende aty, është ekipi i Partisë Demokratike, i cili do të përbëhet nga njerëz me reputacion, të kenë besim në komunitet, jo njerëz që e shohin politikën si një profesion për veten e tyre, por si një shërbim ndaj njerëzve.

Ekipi i Partisë Demokratike do të përbëhet nga njerëz me reputacion, të kenë besim në komunitet, jo njerëz që e shohin politikën si një profesion për veten e tyre, por si një shërbim ndaj njerëzve. Jam i bindur se me përfundimin e porcesit të riorganizimit të Partisë Demokratike, shumë shpejt në një dialog, në një debat, jo në kulisa, do t’u japim shqiptarëve një ekip prej 140 kandidatesh dhe kandidatësh, të cilët do të jenë një pasqyrë e më të mirës, ku shqiptarët të kenë vërtet besim se do të përfaqësohen dhe mbrohen interesat e tyre dhe jo interesa klaneshm, tarafesh apo personash të caktuar”, theksoi Basha./ CNA