web counter
LEXO PA REKLAMA!

SHKARKO APP

Ambasada britanike: Presim normalitetin në Parlament, deputetët të bëjnë punën e tyre

12 Mars 2024, 18:51, Politikë CNA
Ambasada britanike: Presim normalitetin në Parlament, deputetët
Ambasada Britanike në Tiranë

Dakordësia e mazhorancës me PD-në është përshëndetur nga ambasada amerikane dhe delegacioni i BE-së në Tiranë.

Një përshëndetje ka ardhur edhe pak më parë nga Ambasada britanike për rikthimin e rendit normal në Parlament.

Ambasada e Britanisë së Madhe deklaron se është thelbësore që deputetët e të gjitha partive të fokusohen në rolet e tyre kryesore.

“Ambasada Britanike në Tiranë përshendet progresin e njoftuar sot në lidhje me Parlamentin dhe përpjekjet e të gjithë atyre që u përfshinë për ta bërë këtë të mundur. Presim me padurim rikthimin e rendit normal në Parlament. Është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të të gjithë qytetarëve shqiptarë”, thuhet në reagim./ CNA





Lajmet e fundit nga