web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk i ndahet Ramës/ “Shkoi në Shkodër si pushtues”

10 Mars 2024, 19:16, Politikë CNA
Berisha nuk i ndahet Ramës/ “Shkoi në Shkodër si
Kryetari i Partisë Demokratike, Sali Berisha

Kryetari i Partisë Demokratike, Sali Berisha, sulmoi mbrëmjen e sotme kryeministrin Edi Rama për takimin me strukturat e PS-së në Shkodër.

Në fjalën e tij për protestuesit në rrugën “Mustafa Matohiti”, Berisha tha se Rama shkoi në Shkodër si pushtues.

Ai ngriti pretendimet se kreu i qeverisë ka diskriminuar Shkodrën dhe veriun e Shqipërisë nga Fushë Kruja deri në Vermosh.

“Edi Rama ishte në Shkodër. Shkoi në Shkodër pasi poshtëroi qytetin më keq se një pushtues, apo pasi e pushtoi atë me banda, pasi i grabiti votën me vrasësit serialë Bajrit, me Pëllumb Gjokën dhe banditë të tjerë. Shkoi në Shkodër njëlloj si një pushtues i lig, kapardisej.

E vërteta është se Shkodrën dhe jo vetëm Shkodrën, por kurrë ndonjëherë veriun e Shqipërisë nga Fushë Kruja gjer në Vermosh nuk e ka diskriminuar një sundimtar tjetër sa e ka diskriminuar Edi Rama. Nuk e ka shkretuar një njeri tjetër, sa e ka shkretuar Edi Rama.

Miqtë e mi!

Investimet 10-vjeçare të Shkodrës, epiqendra e veriut janë disa herë më të ulëta se ato të bashkisë Divjakë. Në të gjithë veriun nuk ekziston absolutisht asnjë projekt i ri i nisur, përveç se zvarritjes dhe mospërfundimit të një serie projektesh në vazhdim.

Vendosi taksën në Rrugën e Kombit. Gjeni kund 100 metër rrugë nga Miloti në Rrëshen që të jetë zgjeruar.  Ka 1 muaj që jep një lajm se po përfundon ura e Kukësit, ura që ka filluar të paktën 6 vite më parë”, theksoi kreu i PD-së./ CNA





Lajmet e fundit nga