web counter
LEXO PA REKLAMA!

SHKARKO APP

App Store
Google Play

E fundit!

x

Rama, ftesë për demokratët/ "E kanë derën hapur"

10 Mars 2024, 17:47, Politikë CNA
Rama, ftesë për demokratët/ "E kanë derën
Kryeministri Edi Rama

Ditën e dytë të vizitës së tij në Shkodër, k ia dedikoi strukturave të Partisë Socialiste.

Ai u shpreh se kryeqendra e veriut është keqpërdorur nga pushteti, duke sulmuar kështu të djathtën që ka drejtuar Shkodrën deri në 2023.

Megjithatë, kryesocialisti la derën hapur edhe për demokratët, sai përket anëtarësimeve të reja.

“Partitë si fillim në vetvete janë mbytëse, janë refuzuese, janë dëmtuese dhe e kemi parë këtë edhe në Shkodër më parë, ku PS ka qenë mbytëse dhe refuzuese dhe dëmtuese për të tjerët, por edhe për veten në fund të ditës sepse shikohej si një pronë e disave dhe jo si një hapësirë që të gjithë mund të hyjnë dhe mund të ndërveprojnë me të dhe pa qenë pjesë e saj. Kjo është ajo që kam dashur të them prej kohësh ku shumëkush u hodh përpjetë nga shprehja “përtej të majtës dhe të djathtës”. Por në fakt Shqipëria nuk ka kohë për të humbur dhe ka humbur jashtëzakonisht shumë kohë me ndasira që nuk i kanë shërbyer në të vërtetë as ushqimit të shëndetshëm të politikes së ndarë në palë dhe në kahe të ndryshme, por i ka shërbyer vetëm atyre që kanë dashur të kenë sa më shumë njerëz të verbër nga mbrapa për pushtetin e tyre, duke thënë “ne jemi të djathtë, këta janë komunistë” ose në të kundërt “ne jemi të majtë, ata janë ekstremistë” etj dhe Shkodra është viktima më kuptimplotë e shterpësisë dhe e djallëzisë së kësaj ndasie sepse për shumë e shumë vite qëndroi e ndarë nga pjesa tjetër e Shqipërisë. Qëndroi e ndarë nga rruga e zhvillimit të të tjerëve”, u shpreh ai.

Më tej, kreu i qeverisë theksoi se: “Partia Socialiste nuk mund të jetë një organizatë që fillon i sheh njerëzit, “ky s’ka qenë me ne, ky ka qenë kundër nesh; ky dikur na ka bërë këtë, ky dikur na ka bërë atë”. Të gjitha gjëra që ne na pengojnë ta mbështesim këtë progres sepse ky është një progres siç është progresi në krejt Shqipërinë, siç është progresi edhe në Vlorë, edhe në Korçë edhe kudo tjetër, një progres që mund të kthehet mbrapsht nëse ne nuk vazhdojmë ta udhëheqim këtë rrugë zhvillimi e nëse ne nuk kemi mbështetjen e duhur të fuqishme për ta çuar deri në fund këtë rrugë zhvillimi, që do të thotë deri në përmbyllje të ciklit qeverisës në fund të kësaj dekade. Çdo gjë mund të kthehet mbrapsht!”

Përpara takimit me strukturat, Rama mblodhi edhe 61 kryetarët e bahskive të vendit, në një takim./ CNA

Parti pa anëtarë, pa degë e pa struktura




Lajmet e fundit nga