web counter
LEXO PA REKLAMA!

SHKARKO APP

E fundit!

x

Rama: Shqiptarët ikin se shohin lart

9 Mars 2024, 19:28, Politikë CNA

Rama: Shqiptarët ikin se shohin lart

Në konferencën me gazetarët në Shkodër, kryeministri Edi Rama ka folur për largimet e shqiptarëve si jashtë vednit po ashtu dhe brenda vendit.

Sipas tij largimi drejt qytetit është i pandalshëm pasi ekziston nevoja për të patur një punë më të mirëpaguar.

Kryeministri është shprehur më tej se, shqiptarët janë qënie kurajoze që duan të shohin lart e më lart.

Më tej, justifikohet duke thënë se ndalimi i largimeve nuk është çështje e qeverisë.

 “Duhet me pas parasysh që po, kemi problem me largimet brenda vendit po them, por nëse po shikoni sot përqindjen që zë bujqësia në ekonominë tonë dhe të punësuarit në bujqësi, ne jemi dhe kjo nuk është pozitive, por jemi me diferencë dhe nga rajoni jonë. Pra, largimi drejt qytetit është i pandalshëm në vendet që zhvillohet. Nevoja dhe pritshmëria e të rinjve për të pasur një punë të mirëpaguar, është gjithmonë arsyeja pse një sërë punësh që nuk i mirëpaguan, bëhen me krah pune të importuar.

Nëse do të shikoni planet e vendeve të zhvilluara si Italia, Gjermania, nëse do të shikoni radhën e shteteve të BE në derën e agjencisë së punësimit në Filipine, është radhë lufte. Europa është futur në një luftë për krah pune.

Përsa u përket shkollave, kemi diskutuar për shkolla të përqendruara, me konvikte. Po punojmë me 5 konvikte të shkollave profesionale, për t’i bërë me kushte më të mira. Kam parë konviktin në Rrëshen, që është iniciativë e kishës, por është fantastike nga pikëpamja sesi është menaxhuar. Që shqiptarët largohen, duhet të mësohemi, sepse jemi vend i lirë, jo bunker. Shqiptarët janë qenie kurajoze, dinamike që duan të shohin lart e më lart. Ndalimi i ikjeve nuk është çështje e qeverisë. Nuk jemi për të ndaluar ikjet, por për të krijuar kushtet për qytetarët”, tha ai./ CNA





Lajmet e fundit nga