web counter
LEXO PA REKLAMA!

SHKARKO APP

App Store
Google Play

Rama nuk kursen kritikat në Kavajë/ “Nuk mund të jemi ne bllokuesit e buxhetit të bashkisë”

7 Mars 2024, 20:06, Politikë CNA

Rama nuk kursen kritikat në Kavajë/ “Nuk mund të jemi ne

Kryeministri Edi Rama gjatë një takimi në Kavajë, nuk ka kursyer kritikat për anëtarët e Këshillit Bashkiak.

Rama u shpreh se pavarësisht se mund të kenë numrat për të bllokuar buxhetin e bashkisë, nuk mund të jenë socialistët bllokuesit e buxhetit të bashkisë.

Kryeministri ka kritikuar këshilltarët e bashkisë duke thënë se janë aty për t’i shërbyer komunitetit dhe jo për të bërë karshillëk ultrasëve të anës tjetër.

"Duhet të jemi shumë të vëmendshëm edhe në raport me detyrimet që kemi këtu përsa i përket këshillit bashkiak.

Më thanë që ishte bllokuar buxheti i Bashkisë. Ne mund të kemi numrat për të bllokuar buxhetin e bashkisë, por ne nuk mund të jemi bllokuesit e buxhetit të bashkisë.

Këshilltarët e bashkisë janë aty për t’i shërbyer komunitetit, nuk janë aty për t’i bërë karshillëk ultrasëve të anës tjetër. Kemi bërë edhe ne shumë gjëra që po të ktheheshim mbrapa, jam i bindur që nuk do t’i përsërisnim sepse kemi mësuar shumë gjëra ndërkohë.

Ashtu sikundër ne e shikojmë se sa rezultat jep kur ti bën një opozitë qorre, shurdhe dhe ku trurin e le në frigorifer kur del nga shtëpia dhe në vend të trurit përdor krahët, përdor këmbët, përdor kokën sikur të ishte një tenxhere bosh me të cilën i bie murit. Nuk funksionon.

Partia Socialiste është një forcë që historikisht ka dëshmuar vullnet për të korrigjuar, apo për të rindërtuar, apo për të risjellë në jetë çka të tjerët kanë bërë shtrembër, kanë shkatërruar, apo kanë asgjësuar", tha Rama./ CNA





Lajmet e fundit nga