web counter
LEXO PA REKLAMA!

SHKARKO APP

App Store
Google Play

Apeli i Ballukut: Dyert e PS-së janë të hapura për të gjithë

11 Mars 2024, 19:20, Politikë CNA
Apeli i Ballukut: Dyert e PS-së janë të hapura për të
Zëvendëskryeministrja, njëherësh Ministrja e Infrastrukturës dhe Energjisë, Belinda Balluku

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku la të hapur derën për demokratët që duan të anëtarësohen në Partinë Socialiste.

Gjatë një takimi me Organizatat Socialiste Peshkopi dhe Klos, Balluku tha se të gjithë janë të mirëpritur në PS, pa përjashtuar askënd.

Ajo theksoi se duhen harruar ndasitë në Qarkun e Dibrës.

“Kur kam ardhur në fillim, me të vërtetë ka qenë problematike qasja për hapjen e dyerve të PS-së. Por ashtu siç ne e dimë shumë mirë, që prej kohësh punojmë tashmë, duke qenë se kemi pasur edhe mundësinë që gjatë kësaj periudhe të kemi dy zgjedhje vendore, atë të 6 marsit vetëm për bashkinë e Dibrës dhe atë të 14 majit për të gjitha bashkitë qarkut, është një ushtrim i suksseshëm që ne e kemi kryer së bashku dhe me të vërtetë dyert e PS-së tashmë janë të hapura për të gjithë.

Ç’duam të themi me këtë? Duam të themi se akush nuk është i përjashtuar, të gjithë janë të mirëpritur. Ajo që ka qenë në fokusin tonë kryesor është rritja e radhëve të anëtarësisë me gra hhe vajza dhe padyshim me të rinj dhe të reja. Është synim parësor i joni që kjo stafetë duhet pasuar”, nënvizoi zv.kryeministrja./ CNA





Lajmet e fundit nga