web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj: Me këtë sistem PS merr së paku 6-7 mandate në tavolinë

11 Mars 2024, 19:19, Politikë CNA
Alibeaj: Me këtë sistem PS merr së paku 6-7 mandate në
Deputeti Enkelejd Alibeaj

Deputeti i Lulzim Bashës, Enkelejd Alibeaj tha këtë të hënë se Partia Socialiste merr më së paku 6-7 mandate në tavolinë më systemin actual zgjedhor.

Në një deklaratë për shtyp, ai u shpreh se PS ka shumicën dhe me votat e saj mund të ndërmarrë çfarëdolloj iniciative.

Alibeaj shtroi disa pyetje dhe kërkoi përgjigje nga socialistët, teksa përsëriti propozimet boshe të Lulzim Bashës, që ky i fundit i artikulon prej vitesh dhe nuk ndërmerr asnjë hap konkret.

“Tri ditë më parë i jam drejtuar me një thirrje publike Partisë Socialiste për të sqaruar në interes të publikut një çështje kryesore: A janë duke kërkuar dështimin e reformës zgjedhore? A janë duke kërkuar që çështja e reformës zgjedhore të ikë nga komisioni i Reformës Zgjedhore ku palët janë të barabarta në kushte barazie dhe të kalojë pastaj në komisionin e ligjeve, ku Partia Socialiste ka shumicën e ku me votat e saj mund të ndërmarrë çfarëdolloj iniciative të njëanshme, për sa kohë që opozitës i hiqet garancia e vetos.

Sot përfitoj nga rasti t’i bëj të njëjtën thirrje: A po kërkon Partia Socialiste të dështojë komisionin e Reformës Zgjedhore? A po kërkon ta çojë çështjen në komisionin e ligjeve, atje ku ka shumicën dhe nëpërmjet peshkimit të votave opozitare, të mund të ndërmarë iniciativa të njëanshme e ku opozitës i mungon garancia, siguresa e vetme që është vetoja kundër çdo iniciative të njëanshme.

Unë e di, publiku e di në fakt që Partia Socialiste nuk i ka dashur listat e hapura, që Partia Socialiste nuk e do votën e diasporës, votën e gjysmës së shqiptarëve jashtë teritorit. E di që Partia Socialiste nuk e do që Shqipëria të jetë një zonë zgjedhore që vota e shqiptarëve në veri a në jug të jetë e barabartë. Sepse do që nëpërmjet këtij sistemi të marrë në mënyrë jo të drejtë më së paku 6-7 mandate në tavolinë. E di që Partia Socialiste nuk e do votimin dhe numërimin elektronik”, nënvizoi deputeti./ CNA





Lajmet e fundit nga