web counter
LEXO PA REKLAMA!

SHKARKO APP

App Store
Google Play

E fundit!

x

Tabaku, në mbledhjen e Këshillit të Integrimit: E pafalshme që miratohen ligje të atakueshme!

12 Mars 2024, 11:17, Politikë CNA
Tabaku, në mbledhjen e Këshillit të Integrimit: E pafalshme
Jorida Tabaku

Bashkëkryetarja e Këshillit të Integrimit, Jorida Tabaku, në takimin Rajonal me “Plani i Rritjes për Ballkanin Perëndimor dhe ndikimi i tij në përshpejtimin e reformave të shtetit të së drejtës”, theksoi rëndësinë e bashkëpunimit qeveri-parlament.

Tabaku, e cila tashmë është pozicionuar në krah të Bardhit, ka deklaruar se qeveria ka rolin e saj dhe parlamenti nga ana tjetër rolin e tij e për këtë arsye duhet të sigurohet një ndarje e funksionit dhe kontrollit.

"Monitorimi në procesin e integrimit në institucionet e pavarura, detyrimet që lindin nga raportet e vendeve të BE-së dhe progres-raportit, detyron një bashkëpunim mes qeverisë dhe parlamentit. Ligji i ri për rolin e Kuvendit në procesin e integrimit, i ka dhënë më shumë funksione parlamentit nga pikëpamja e monitorimit që nuk i merr dot qeveria, që i takojnë institucionit të parlamentit që duhet të kryhen përmes Këshillit Kombëtar të Integrimit dhe Komisionit të Çështjeve Evropiane. Qeveria ka rolin e saj dhe parlamenti të tijin, për këtë arsye ne duhet të sigurojmë ndarjen e funksionit dhe kontrollit", - tha Tabaku.

Ajo theksoi se është e pafalshme që në Parlamentin shqiptar të votohen ligje që janë të atakueshme apo që nuk kanë gjithëpërfshirjen e shoqërisë civile.

“Është e pafalshme që në parlament kalojnë ligje të atakueshme, është e pafalshme që në këtë proces ku jemi të miratohen ligje që nuk kanë gjithëpërfshirjen e shoqërisë civile. Është e pafalshme që në një moment ku duhet ta bëjmë procesin e integrimit prioritet, të fokusohemi në interesa të tjera që shkojnë në të kundërt të procesit të integrimit”./CNA 





Lajmet e fundit nga